"Taliban" owgan ýataklaryny özleşdirmek üçin 6,5 milliard dollarlyk şertnamalara gol çekdi
Owganystanyň Magdan we nebit senagaty ministrligi 6,5 milliard dollardan gowrak ýedi sany ýatagy özleşdirmek üçin şertnamalara gol çekdi.
TOLOnews gullugynyň berýän habaryna görä, magdan we nebit senagaty ministriniň wezipesini wagtlaýyn ýerine ýetiriji Şahabuddin Delawar metbugat wekilleri bilen söhbetdeşlikde şertnamalarda doly aç-açanlygyň bardygyny we onuň magdanlaryň bikanun gazylyp alynmagynyň we bikanun getirilmeginiň öňüni aljakdygyny aýtdy.
Tahar welaýatynda ýerleşýän altyn känine China-Afghanistan kompaniýasy we Zarawar Afghanistan Private (hususy) kompaniýasy eýeçilik eder we bu taslama 310 million dollarlyk maýa goýular.
Logar welaýatynda ýerleşýän “Mes Aýnak” käniniň özleşdirilmegi bu taslama 411 million dollar maýa goýjak Turia hususy kompaniýasy tarapyndan amala aşyrylar.
Afghan Invest we Türkiýäniň Epcol, Gor welaýatynyň Tulak sebitinde gurşun gazyp almak üçin şertnama aldy. Bu kompaniýalaryň bu magdana 537 million dollar maýa goýmagyna garaşylýar.
Gerat welaýatynda ýerleşýän Ghorýan demir magdany, 2,8 milliard dollar maýa goýmagy meýilleşdirýän Watan Darahşan kompaniýasyna geçirildi.
"Saheel Middle East Mining & Logistics Company", Owganystanyň "Dara-e-Noor" we Türkiýäniň "Epcol" kompaniýasy bilen bilelikde ikinji Ghorýan ýerini ösdürmek barada şertnama aldy. Onuň maýa goýumlary 874 million dollar bolar.
Demir käniniň üçünji bölümi owgan kompaniýasy “Shams” we Iňlis GBM we AD Resources-a berildi, bu taslama 572 million dollar maýa goýular.
Ghoryanyň dördünji bölümini ösdürmek baradaky şertnama Baghtar po Bakhtar Steel kompaniýasyna we onuň eýranly hyzmatdaşlary Ahya Sepahan we Persian-na berildi. Olar bu taslama 1,17 milliard dollar maýa goýmagy maksat edinýärler.
Owganystandaky mineral baýlyklaryň umumy bahasy 1 trillion dollar diýlip çaklanylýar.
ORIENT news
