Ýurdumyzda ýokary tehnologiýaly damjalaýyn suwaryş ulgamlaryny ilkinji öndürijilerden biri “Türkmen senagat” Hojalyk Jemgyýeti boldy. Ýaňy-ýakynda kärhana gök ekinleri ösdürip ýetişdirende çyglylygy üpjün etmek üçin ýylmanak we tekiz turbalary öndürip başlady.
“Zürýada hyzmat” hususy kärhanasy Balkanabat şäherinde gazlandyrylan alkogolsyz içgileri we arassalanan agyz suwlaryny öndürip başlady. Önümler “Dam-dam” markasy bilen satylýar we günbatar sebitde we ýurduň beýleki sebitlerinde bölek satuw nokatlaryna iberilýär.
3-nji sentýabrda ýeňil awtomobiller ýüklenen 20 konteýner Türkmenistanyň çäginden geçip, Gazagystana tarap ýola düşdi. Bu konteýner ýükleri eltip bermek hyzmaty ýurdumyzyň «Halkara Gatnaw Logistika» hojalyk jemgyýeti tarapyndan amala aşyrylýar.
Şu ýylyň brinji ýarymynda Türkmenistan Ýewropa Bileleşiginiň ýurtlaryndan 7,64 million ýewrolyk mineral serişdeleri import etdi. Bu geçen ýylyň degişli döwründe 5,11 million ýewro barabar bolupdy. Bu barada Ýewropanyň Statistika býurosy habar berýär.
Türkmenistanyň Maliýe we ykdysadyýet ministrligi döwlet eýeçiligine degişli 48 desganyň hususy taraplara bäsleşik esasynda satylýandygyny mälim edýär. Bu boýunça degişli bildiriş resmi metbugatda şu gün çap edildi.
Milli jemgyýetçilik birleşigi “Türkmenistanyň ykdysatçylar birleşmesi” we Döwrebap hünär endiklerini ösdürmek boýunça USAID taslamasy bilelikde “Startap-ekoulgam - 2023” maksatnamasynyň amala aşyrylmagyna başlaýar. “Startap-ekoulgam - 2023” maksatnamasynyň maksady Türkmenistanda startaplaryň işewür-inkubasiýasy we akselerasiýasy (täze amala aşyrylan innowasion işewür-ideýalar) boýunça hyzmatlaryň bazaryny ösdürmek bolup durýar, bu bolsa, ýaşlaryň telekeçiligini ösdürmek üçin we täze iş ýerlerini döretmek üçin şertleriň gowulanmagyna getirer.
"Balkan" gämi gurluşyk we abatlaýyş zawody» açyk görnüşli paýdarlar jemgyýeti «Türkmendeňizderýaýollary» agentligi üçin 2 sany gury ýük gämisini gurar.
Türkmenistanyň Mejlisiniň Başlygy Dünýägözel Gulmanowa Aşgabada iş sapary bilen gelen "Higgins CM" kompaniýasynyň baş menejeri Daniýel Walter we "PSE Engineering" kompaniýasynyň dolandyryjysy Markus Brendt bilen duşuşdy.
2017-nji ýyldan, Türkmenistan bilen Özbegistanyň arasyndaky strategik hyzmatdaşlyk hakyndaky Şertnama gol çekilendän bäri iki ýurduň arasyndaky haryt dolanyşygy 5 esse artdy.
“Türkmenaragatnaşyk” agentligi Balkan welaýatynyň Türkmenbaşy şäherinde aragatnaşyk merkeziniň täze edara binasyny gurar.
Mejlisiň dowamynda iki döwletiň arasynda awtoulag gatnawlarynyň häzirki ýagdaýlaryna seredildi we geljekde halkara awtoulag gatnawlaryny has-da artdyrmak hem-de ösdürmek baradaky meseleler ara alnyp maslahatlaşyldy.
Ýylyň başyndan bäri 27 müň tonna türkmen pomidor önümleri goňşy ýurtlara eksport edildi. Esasan hem, daşary ýurtly alyjylaryň arasynda Daşoguz şäherinde ýerleşýän “Aýly ýaz” hojalyk jemgyýetiniň "TERi" markasy bilen konserwirlenen pomidor pastasyna uly isleg bildirilýär.
Aşgabatda şu ýylyň 25 – 27-nji oktýabrynda geçiriljek “Türkmenistanyň nebiti we gazy – 2023” (OGT-2023) atly halkara maslahata we sergä taýýarlyk görülýär.
2023-nji ýylyň ýanwar-iýun aýlarynda Türkmenistan Azerbaýjana senagatda ulanmak üçin 75808 tonna suwuk ýangyç eksport etdi. Bu barada Azerbaýjanyň statistika baradaky döwlet edarasy habar berýär.
Türkmenistanyň ulag-logistika kompaniýalary, degişli döwlet edaralary we gulluklary 13-14-nji sentýabrda Stambul şäherinde geçiriljek multimodal daşamalar we logistika boýunça halkara foruma gatnaşmaga çagyrylýar. Ol Türki döwletleriň guramasynyň Sekretariaty tarapyndan guralýar.
