Eýranyň 3 sebiti – Fars, Gülüstan we Horasan-Rezawi sebitleri üçin Türkmenistan esasy söwda hyzmatdaşdyr. Bu sebitler özleriniň öndürýän önümleriniň agramly bölegini Merkezi Aziýa ýurtlaryna şol sanda Türkmenistana eksport etdiler. Bu barada “Tehran Times” habar berýär.
Türkmenistanyň ilçisi Atajan Möwlamow Pakistanyň Feýsalabat sebitiniň Söwda-senagat edarasynyň başlygy Hurram Tarik bilen duşuşdy. Onda Türkmenistanyň ilçisi türkmen tarapynyň Pakistana suwuklandyrylan gazy awtoulaglar arkaly eksport edip başlandygyny aýtdy diýip, “Associated Press of Pakistan” neşiri habar berýär.
Ahal welaýatynyň Gökdepe etrabynyň häkimligine Arkadag şäherinde çagalar seýilgähiniň taslamasyny düzmek we ony ýanaşyk ýerlerini abadanlaşdyryp gurmak üçin «Çyzgy» hojalyk jemgyýeti bilen şertnama baglaşmaga ygtyýar berildi.
Wengriýa nebiti we tebigy gazy import etmegiň täze ýollaryny gözleýär. Ýurduň daşary işler ministri Peter Siýýartonyň mälim etmegine görä, Türkiýe, Zakawkaziýe we Merkezi Aziýa döwletleri bilen hyzmatdaşlykda bu babatda oňat mümkinçilikler döreýär diýip, "TASS" habarlar agentligi mälim edýär.
Türkmenistanda dört sany demir ýol menziliniň täze binalary gurlar. Olar Mary welaýatyndaky Baýramaly şäheriniň demir ýol menzillerinde, Ahalyň Kaka we Baherden etraplarynda we kenarýaka sebitinde Balkanabat şäherinde gurlar. Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew şenbe güni geçirilen Hökümet mejlisinde bu barada habar berdi.
Türkmenistanyň Garaşsyzlygynyň 32 ýyllygyna bagyşlanan Türkmenistanyň ykdysady üstünlikleriniň sergisi 20-21-nji sentýabr aralygynda Aşgabatda geçiriler.
«Senagat-innowasiýa modeli - ýurduň esasy strategiki ugry» atly ylmy-amaly konferensiýa 21-nji sentýabrda geçiriler. Forum Türkmenistanyň Garaşsyzlygynyň 32 ýyllygyna bagyşlanyp, Maliýe we ykdysadyýet ministrligi tarapyndan guralar. Oňa gatnaşmak üçin dürli ministrlikleriň we pudak gurluşlarynyň, bank ulgamynyň we ýokary okuw jaýlarynyň wekilleri çagyrylýar.
Demirgazyk – Günorta halkara ulag geçelgesi arkaly Türkmenistanyň we Russiýa Federasiýasynyň arasyndaky ýük dolanyşygy şu ýylyň ýanwar – awgust aýlarynda 57 göterim artdy.
Şu ýylyň ýanwar – awgust aýlarynda Özbegistana söwda we işewürlik maksatly 36,8 müň daşary ýurtly barypdyr. Şolaryň ýarysyndan gowragyny ýagny, 21,4 müňüsini türkmenistanly syýahatçylar düzýär.
Bagçylyk pudagynda innowasion çemeleşmeler Daşoguz welaýatynyň Ruhubelent etrabynda geçirilen tejribe sapagynda giňişleýin öwrenildi.
"Türkmenaragatnaşyk" agentliginiň hünärmenleriniň işe girizen "Sanly.tm" elektron poçta hyzmatyny ulanyjylaryň sany 38 müň 209-a, korporatiw domenlerine eýelik edýänleriň sany hem 207-ä ýetdi.
Merkezi Aziýa bazarlarynyň global üpjünçilik zynjyrynda barha artýan ähmiýeti, dünýä söwdasynyň barometri diýlip atlandyrylýan Daniýanyň Maersk kompaniýasy tarapyndan tassyklandy. Global ýük daşaýjy oýunçy, Orta geçelgäni ulanyp, Gruziýadaky Poti portuny Gazagystan we Özbegistan bilen birleşdirýän täze intermodal hyzmatyny ýola goýdy. Bu hyzmat her hepde işlär we sebitdäki beýleki ýurtlara, şol sanda Türkmenistana ýaýrap biler.
TOPH (Türkmenistan-Owganystan-Pakistan-Hindistan) gaz geçirijisi we TOP (Türkmenistan-Owganystan-Pakistan) elektrik geçirijisi diňe bir uzak möhletleýin Pakistanyň energiýa zerurlyklaryny kanagatlandyrman, eýsem sebit hyzmatdaşlygy üçin hem täze mümkinçilikleri açar, diýip, Türkmenistanyň ilçisi Atajan Möwlamow Feýsalabadyň Söwda-senagat palatasynyň (FCCI) prezidenti doktor Hurram Tarik bilen bolan duşuşygynda aýtdy. Bu barada Associated Press OF Pakistan habarlar gullugy aýdýar.
Garaşsyzlyk baýramynyň öňüsyrasynda ýurdumyzyň demirgazyk sebitiniň merkezi şäheri Daşoguzda gurluşygy alnyp barylýan ýüzlerçe desganyň ilkinji 3-siniň dabaraly açylyşy bolar.
18-19-njy sentýbarda Russiýanyň Astrahan şäherinde Hazar mediaforumy geçiriler. Onuň çäklerinde “Demirgazyk – Günorta halkara ulag geçelgesi. Täze durmuş – täze mümkinçilikler” atly ara alyp maslahatlaşmalar guralar.
