Germaniýanyň işewür toparlary Türkmenistan bilen ulag we aragatnaşyk pudagynda hyzmatdaşlygy güýçlendirer
Anna güni Berlinde Merkezi Aziýa ýurtlarynyň wekiliýetleriniň we Germaniýanyň Gündogar ykdysady komitetiniň ýolbaşçylarynyň duşuşygynda eden çykyşynda Türkmen halkynyň Milli Lideri Gurbanguly Berdimuhamedow nemes işewür toparlaryny ulag we aragatnaşyk pudagyndaky hyzmatdaşlygy güýçlendirmäge çagyrdy.
Ol Aşgabatda nemes kompaniýalarynyň demir ýol ulaglaryny, gämi gurluşyk enjamlaryny ösdürmek, Türkmenbaşy deňiz portunyň ulag we logistika mümkinçiliklerinden netijeli peýdalanmak baradaky taslamalara gatnaşmagyny düýpli ara alyp maslahatlaşmaga taýýardygyny mälim etdi, şeýle hem telekommunikasiýalar pudagynda özara gatnaşyklaryň täze görnüşleriniň mümkinçiliklerine seredidi.
“Indiki ugur ulag we aragatnaşyk. Birnäçe ýyl bäri öýjükli aragatnaşyk hyzmatlaryny, hemra ulgamlaryny we deňiz transportyny giňeltmek boýunça taslamalary durmuşa geçirmekde nemes kompaniýalary bilen üstünlikli işledik. Munuň bilen birlikde, nemes kompaniýalaryny Türkmenistanyň ykdysadyýetini sanlaşdyrmak taslamalaryna gatnaşmaga çagyrýarys "- diýip, Türkmen döwlet habarlar agentligi Gurbanguly Berdimuhamedowyň sözlerine salgylanýar.
ORIENT news
