Türkmen-awstriýa "Galkynyş" simfoniki orkestri täze Arkadag şäheriniň açylyş dabarasyna bagyşlanan baýramçylyk çärelerinde konsert programmasy bilen çykyş etmäge taýýar. Bu barada Türkmen-awstriýa jemgyýetiniň ýolbaşçysy Neda Berger Türkmenistanyň Halk Maslahatynyň Başlygy Gurbanguly Berdimuhamedowa iberen gutlag hatynda mälim etdi.
Sankt-Peterburgda "Burun bilen okamak" atly kitaplaryň “müşki-anbar” sergisi açyldy. Eksponatlar adaty däl, olar 20-nji asyryň edebi eserleriniň kükäp duran hoşboý kitap ysy – diýip, “Sankt-Peterburgskiýe wedomosti” neşiri habar berýär.
Türkmenistanyň Azerbaýjandaky ilçihanasy we Türkmenistanyň Ylymlar akademiýasy Bakuda dünýä edebiýatynyň görnükli klassygy Magtymguly Pyragynyň 300 ýyllygyna bagyşlanan çäre geçirdiler – diýip, Atavatan Türkmenistan habar berýär.
Aşgabatdaky Puşkin adyndaky türkmen-rus orta mekdebine roýal gowşuryldy. Saz guralyny, Russiýa Federasiýasynyň hökümetiniň Telegram kanalynyň habar bermegine görä, okuwçylara Russiýa Federasiýasynyň hökümetiniň başlygy Mihail Mişustin sowgat etdi.
Oksford uniwersitetiniň alymlary (Beýik Britaniýa) Orhusdaky (Daniýa) we Buenos-Aýresdäki (Argentina) kärdeşleri bilen seriallaryň we kinonyň adam bedenine edýän täsiri barada ylmy-barlag geçirdiler. Tejribeleriň netijeleri Science Advances žurnalynda çap edildi.
Türkmenistanyň Döwlet medeniýet merkeziniň Döwlet muzeýinde etnografiki bölümiň ekspozisiýasynda köklerini gadymky döwürlerden alyp gaýdýan aw awlamagyň gadymy däplerine bagyşlanan «Awçy» atly täze diorama açyldy – diýip, «Neýtralnyý Turkmenistan» gazeti habar berýär.
Türkmen estradasynyň ýyldyzlary Moskwada konsert bilen çykyş etdiler – diýip, Türkmenistanyň Kazandaky Baş konsullygynyň saýty habar berýär .
16-njy fewral, penşenbe güni Aktau şäherinde ýerleşýän "Nur-Plaza" myhmanhanasynda sergi ýarmarkasy açyldy, sergide dürli ýurtlardan şaý-sepler, haly, keçe we dokma önümleri bar. Türkmenistandan elde dokalan haly we haly önümleri sergide Gazagystanyň Astana şäherinden «Tumar Carpets» ("Tumar halylary") kompaniýasy tarapyndan hödürlenýär. Bu kompaniýa dünýäniň dürli künjeklerinden Gazagystana haly we haly önümleriniň gaýtalanmajak asyl nusgalaryny getirip, ýokary hilli halylaryň söwdasy bilen meşgullanýar.
Türkmenistanda birnäçe ýyl bäri hereket edip gelýän "Belli Creative" studiýasy tarapyndan täze «Pyragy» şrifti döredildi. Täze taslama nusgawy şahyr Magtymguly Pyragynyň doglan gününiň 300 ýyllygyna we beýik akyldaryň döredijiliginiň sanly giňişlikde ýaýbaňlanmagyna bagyşlanýar.
Eýran Yslam Respublikasynda Türkmenistanyň Medeniýet günleri geçiriler. Medeni çäreleriň geçirilmegi türkmen-eýran doganlyk gatnaşyklarynyň aýrylmaz bölegi bolup durýar diýip, Eýranyň medeniýet we yslam ugurdaşlygy ministri Mohammad Mahdi Esmaili aýtdy.
Mary welaýatynyň taryhy we ülkäni öwreniş muzeýinde Magtymguly adyndaky Ýaşlar guramasynyň welaýat komitetiniň muzeý işgärleri bilen bilelikde gurnan sergisi geçirildi. Sergi Türkmenistanda şu ýylyň "Arkadag Serdarly bagtyýar ýaşlar" atly şygaryna bagyşlanýar we taryhy gymmatlyk bolan arheologik tapyndylary, arhiw resminamalaryny we suratlaryny, şeýle hem ýurduň häzirkizaman üstünliklerini, şol sanda maryly türgenleriň sport äleminde ýeten sepgitlerini öz üçine alýar.
Aşgabatda Eýranyň Medeniýet günleri baýramçylyk konserti bilen açyldy – paýtagtyň Mukamlar köşgünde goňşy ýurduň sungat ussatlarynyň çäresi aýdym-sazly çykyşlardan başlandy.
5-9-njy sentýabr aralygynda Tatarystan Respublikasynyň paýtagtynda musulman kinosynyň XIX Kazan halkara festiwaly geçiriler. Her ýyl kinoforumyna Russiýadan, şeýle hem ýakyn we uzak daşary ýurtlardan onlarça filmler gatnaşýarlar. Kino festiwalyň guramaçylyk topary bäsleşige öz işlerini hödürlemäge taýýar bolan kinostudiýalardan haýyştnamalary kabul edilendigi barada yglan etdi. Bellige alyş 2023-nji ýylyň 1-nji iýunyna çenli dowam eder diýip, festiwalyň metbugat gullugy habar berýär.
Türkmen fotosuratçysy Ahmet Hallyýewiň işleri 7-nji Halkara fotopremiýasy 35AWARDS jemleri boýunça gowularyň biri diýlip ykrar edildi, oňa dünýäniň 174 ýurdundan 125 müň adam gatnaşdy.
Özbegistanda beýik şahyr we alym Zahyretdin Muhammet Babyryň 540-ýyllygyny giňden belläp geçerler. Bu baradaky karar ýurduň prezidenti Şawkat Mirziýoýew tarapyndan gol çekildi – diýip, «Ýangi Uzebkiston» habar berýär.
