2023-nji ýylyň 9-njy martynda Türkmenistanyň Daşary işler ministriniň orunbasary Wepa Hajiýewiň Aşgabada Türkmenistanyň Mejlisiniň ýedinji çagyrylyşynyň deputatlarynyň meýilleşdirilýän saýlawlaryna syn etmek üçin GDA-nyň synçylar toparynyň ştabyny açmak boýunça iş toparynyň ýolbaşçylygynda gelen GDA-nyň Baş sekretarynyň orunbasary Ilhom Nematow bilen duşuşygy geçirildi.
Gyrgyzystan bilen Özbegistan respublikalaryň haryt dolanyşygyny 2023-nji ýylyň ahyryna çenli iki milliard dollara çenli ýokarlandyrmak barada ylalaşdylar – diýip, Gyrgyzystan hökümetiniň metbugat gullugy RIA Nowosti habarlar agentligine habar berdi.
2023-nji ýylyň 9-12-nji maý aralygynda Türkiýäniň paýtagty Antalýa şäherinde “Global sustainable tourism conference-2023” atly Durnukly syýahatçylyk boýunça global maslahaty geçiriler.
Türkmen telekeçileri 15-nji aprelde Guançžou şäherinde açyljak 133-nji Hytaý import we eksport ýarmarkasyna gatnaşmaga çagyrylýar. Ol Kanton ýarmarkasy hökmünde hem bellidir. Çäre 5-nji maýa çenli dowam eder we üç tapgyrda geçiriler.
Özbegistanyň Prezidenti Şawkat Mirziýoýew Eýranyň ŞHG-a agza döwlet statusyny almak üçin borçlary hakynda 2023-nji ýylyň 25-nji ýanwarynda kabul edilen Ähtnama gol çekdi. Bu barada RIA Nowosti agentligi Milli kanunçylyk bazasynyň internet saýtynda ýerleşdirilen resminama salgylanyp, habar berýär.
Ýewropanyň täzeleniş we ösüş banky Ýewropa Birleşiginiň maliýe taýdan goldaw bermeginde Türkmenistanda sanly marketingiň gurallarynyň kömegi arkaly internetde satuwa başlamaga we onuň gerimini artdyrmaga bagyşlanan sekiz günlük okuw gurady. Okuwyň açylyşy «Arçabil» myhmanhanasynda bolup geçdi.
Hepdäniň başyndan bäri Türkmenistanyň Döwlet haryt-çig mal biržasyndaky söwdalaşyklarda jemi bahasy $28,4 mln amerikan dollaryna we 32,6 mln türkmen manadyna deň bolan 29 geleşik baglaşyldy – diýip, ORIENT-iň habarçysy habar berýär.
Türkmenistanyň Döwlet gümrük gullugynyň Okuw merkezinde ozony zaýalaýan jisimleriň bikanun dolanyşygynyň öňüni almak boýunça seminar geçirildi – diýip, edaranyň saýty habar berýär.
Şu ýyl Hytaýda iri halkara çäreleriniň birnäçesi meýilleşdirilýär – diýip, China daily habar berýär. Olaryň arasynda esasylarynyň biri halkara hyzmatdaşlygy boýunça «Bir guşak, bir ýol» atly birmeňzeş başlangyjyň çäklerindäki üçünji Forum bolar. Bu ýyl taslama 10 ýyl dolýar.
Prezident Serdar Berdimuhamedowyň apreliň birinji ýarymynda Duşanbä boljak döwlet saparyna taýýarlyk meselelerini Türkmenistanyň we Täjigistanyň DIM-niň baştutanlary ara alyp maslahatlaşdylar.
GDA-dan synçylaryň missiýasy Türkmenistanda parlamentiň (Mejlisiň) ýedinji çagyrylyşyna deputatlaryň saýlawlarynyň geçirilişine görülýän taýýarlyk we geçirilişini monitoring etmäge girişdi. Bu barada Arkalaşygyň metbugat gullugy habar berýär.
«Türkmenistan» awiakompaniýasy Bangkoka (Tailand), Minskä (Belorussiýa), Delä (Hindistan), Almata (Gazagystan), Sankt-Peterburga (Russiýa), Ankara (Türkiýe), Pariže (Fransiýa), Seula (Koreýa Respublikasy) we Tokio (Ýaponiýa) şu ýylyň mart-aprel aýlarynda göni uçuşlara gaýtadan başlar.
Türkmenistanyň Rumyniýadaky ilçisi Annamämmet Annaýew Rumyniýanyň Medeniýet ministri Luçian Romaşkanu bilen duşuşyp, iki ýurduň arasyndaky medeni hyzmatdaşlygy we anyk taslamalary ara alyp maslahatlaşdy.
Halkara zenanlar güni 20-nji asyryň başynda, aýallar öz hukuklary we deňligi ugrunda göreşenlerinde ýüze çykdy. Häzirki wagtda bu baýramçylyk aýal-gyzlara bolan söýgi, maşgala we minnetdarlyk beýan etmek gününe öwrüldi. Olaryň keşbi wagtyň geçmegi bilen has garaşsyzlyga, özbaşdaklyga, syýasy we ykdysady işlere gatnaşmaga tarap üýtgedi.
8-nji martda Halkara zenanlar güni mynasybetli Söwda-senagat edarasynyň maslahatlar zalynda “Arkadag Serdarly bagtyýar zenanlar!” atly baýramçylyk dabarasy geçirildi.
