Türkmenistan we Rumyniýa bilelikdäki medeni çäreleri geçirer
Mart 09, 2023 | 01:15 |8662
Türkmenistanyň Rumyniýadaky ilçisi Annamämmet Annaýew Rumyniýanyň Medeniýet ministri Luçian Romaşkanu bilen duşuşyp, iki ýurduň arasyndaky medeni hyzmatdaşlygy we anyk taslamalary ara alyp maslahatlaşdy.
Şolaryň arasynda iýun aýynda Türkmenistanyň halk döredijiliginiň festiwalyna rumyn suratkeşleriniň gatnaşmagy bar. Şeýle hem, rumyn we türkmen medeniýetleriniň köp taraplaýyn günlerini we Rumyniýada türkmen poeziýasyna bagyşlanan çäreleri guramak barada pikir alyşdylar.
«Medeni ýakynlyk, döwletleriň arasynda güýçli hyzmatdaşlygy gurmak üçin ilkinji ädimdir we Medeniýet ministrligi bu meselä hemişe ygrarlydyr» – diýip, Luçian Romaşkanu duşuşyk barada Facebook sahypasynda ýazdy.
ORIENT news
