TDHÇB-daky söwdalaşyklar: ýangyjyň we gurluşyk önümleriniň dürli görnüşleri uly islege eýe boldular
Hepdäniň başyndan bäri Türkmenistanyň Döwlet haryt-çig mal biržasyndaky söwdalaşyklarda jemi bahasy $28,4 mln amerikan dollaryna we 32,6 mln türkmen manadyna deň bolan 29 geleşik baglaşyldy – diýip, ORIENT-iň habarçysy habar berýär.
Duşenbe güni, 6-njy martda Owganystandan gelen telekeçi Jet A-1 kysymly uçar kerosininiň 1,5 müň tonnasyny satyn aldy, önümiň her tonnasyna $837,75 amerikan dollary baha berildi. Geleşigiň jemi bahasy $1,2 mln amerikan dollaryndan geçdi.
Owganystanyň işewür toparlarynyň wekilleri şol gün PS 500-G0-K kysymly portlandsementiň 10 müň tonnasyny $395,2 müň amerikan dollaryna satyn aldylar.
Sişenbe güni, 7-nji martda TDHÇB-daky söwdalaşyklaryň barşynda Owganystandan gelen işewür Jet A-1 kysymly uçar kerosininiň 1,5 müň tonnasyny $1,2 mln amerikan dollaryna satyn aldy. Şol gün uçar ýangyjynyň her tonnasynyň bahasy - $826,75 amerikan dollaryna deň boldy.
BAE-niň, Özbegistanyň we Owganystanyň işewür toparlarynyň wekilleri A-92 kysymly awtoulag benzininiň jemi 33,5 müň tonnasyny satyn aldylar, önümiň her tonnasyna $765,75 amerikan dollaryny teklip etdiler. Geleşikleriň jemi bahasy $25,6 mln amerikan dollaryndan geçdi.
Içerki bazarda ýerli telekeçiler ýol nebit bitumynyň 13 müň tonnasyny 32,5 müň TMT we el halylarynyň 45,67 inedördül metrini 117,4 müň TMT satyn aldylar.
