Ikinji ÝB-Merkezi Aziýa ykdysady forumy anna güni Almatyda geçirildi. Ýewropa Bileleşigi bilen Merkezi Aziýanyň arasyndaky söwda we ykdysady gatnaşyklary pugtalandyrmak boýunça ýokary derejeli umumy mejlisiň işine, Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti hem gatnaşdy. Bu barada Türkmenistanyň Gazagystandaky ilçihanasy habar berýär.
Tatarystandaky türkmen wekiliýetiniň başlygy, Ulag we kommunikasiýalar agentliginiň baş direktory Mämmethan Çakyýew anna güni “Russiýa — Yslam dünýäsi” strategik garaýyş toparynyň mejlisine gatnaşdy. Ol KazanForum Halkara ykdysady forumyň çäginde geçirildi.
Türkmen wekiliýetiniň we Gruziýa tarapynyň wekilleri penşenbe güni Tbiliside Türkmenistanyň Ylymlar akademiýasynyň Magtymguly adyndaky Milli dil, edebiýat we golýazmalar instituty bilen Gruziýanyň milli golýazmalar merkeziniň arasyndaky hyzmatdaşlygy ara alyp maslahatlaşdylar diýip, Türkmenistanyň Daşary işler ministrliginiň saýty habar berýär.
Penşenbe güni Türkmenistanyň Ýerewanda Ermenistandaky adatdan daşary we doly ygtyýarly ilçi Muhametgeldi Aýazowa bilen Komitas adyndaky Ýerewan döwlet konserwatoriýanyň rektory Sona Owanisýan, Maýa Kulyýewa adyndaky Türkmen milli konserwatoriýasy bilen Komitas adyndaky Ýerewan döwlet konserwatoriýasynyň arasynda bilelikdäki çäreleriň we saz festiwallarynyň maksatnamalaryny ara alyp maslahatlaşdylar.
19-njy maýdan 26-njy maýa çenli Rus Prawoslaw Buthanasynyň dolandyryjysy Pýatigorskiýniň we Çerkesskiýniň arhiýepiskopy Feofilaktyň we Orta Aziýa mitropolitliginiň okrugynyň mitropoliti Wikentiýniň Türkmenistana saparlary bolar.
«Merkezi Aziýa-Hytaý» sammiti indi her iki ýyldan gezekli-gezegine her ýurtda geçer. Bu baradaky ylalaşyk şu hili formatdaky ilkinji ýüzbe-ýüz sammitiň barşynda gazanyldy – diýip, Gazagystanyň prezidentiniň metbugat gullugy habar berýär.
Türkmen telekeçisi Orazgül Eýeberdiýewa «Russiýa-Yslam dünýäsi: KazanForum» halkara ykdysady forumynyň çäklerinde geçýän sergide Tatarystanyň baştutany Rustam Minnihanowa we RF-nyň wise-premýeri Marat Husnulline öz öndüren haly önümlerinden sowgatlary berdi.
Türkmen wekiliýeti Türkmenistanyň Oba hojalygy we daşky gurşawy goramak ministriniň orunbasary Begmyrat Ataýewiň baştutanlygynda Bangkokda geçýän Aziýa we Ýuwaş ummany boýunça Ykdysady we sosial komissiýanyň (ESKATO) 79-njy sessiýasynyň ugurdaş çäresiniň çäklerinde Aral meselesi barada tanyşdyryş bilen çykyş etdi.
Türkiýäniň baştutany Rejep Taýyp Ärdogan daşary ýurtda ýaşaýan türkleri prezident saýlawlarynyň ikinji tapgyrynda ses bermeklige işjeň gatnaşmaga çagyrdy – diýip, TurkicWorld habar berýär.
Hytaýyň Baidu tehnologiki ägirdi çagalar üçin yzarlamak funksiýasy bilen Xiaodu Qinghe ilkinji smartfon-repetitoryny hödürledi.
Türkiýäniň Türkmenistandaky ilçihanasy Aşgabatda 19-njy maýda bellenip geçilýän Atatürki ýatlamak, ýaşlar we sport gününe bagyşlanan çäre geçirdi.
Hytaý Türkmenistana, Gazagystana, Özbegistana, Täjigistana we Gyrgyzystana HHR tarapyndan maliýeleşdirilýän kärhanalarda täze iş orunlaryny döretmek üçin $3,72 mlrd bölüp berer – diýip, «Sinhua» habar berýär.
Türkmenistanyň DIM-niň Halkara gatnaşyklary instituty tarapyndan Türkmenistanyň ýokary okuw mekdepleriniň arasynda yglan edilen suw, energetika we ulag diplomatiýasy babatynda internet-olimpiadasynyň ýeňijileri kesgitlendi.
Türkmenistan Täjigistandaky muzeýleriň Halkara gününe bagyşlanan dabaralarda milli äheňde döredilen we milli egin-eşikler, halk şaý-sepleri we halylar bilen bezelen ekspozisiýa bilen wekilçilik etdi.
Türkmenistan bilen Türkiýäniň arasyndaky haryt dolanyşygy üstümizdäki ýylyň üç aýynyň dowamynda 2022-nji ýylyň degişli döwri bilen deňeşdirilende 24,7% artyp, ABŞ-nyň 541 mln dollaryndan geçdi – diýip, Türk statistika instituty habar berýär – diýip, Trend ýazýar.
