FIFA-nyň tälimçisi türkmen futbol eminleri üçin okuw seminarlaryny geçirýär
Aşgabatda FIFA-nyň Malaýziýaly tälimçisi Mohamad Rodzaliniň ýolbaşçylygynda türkmen futbol eminleri üçin okuw seminarlarynyň başlandygyny aýtdy diýip, ýurdumyzyň Futbol federasiýasynyň resmi saýty habar berýär.
Oňa ýerli hünärmenler, AFK-nyň tälimçileri Allabergen Sapaýew we Maksat Seýitgulyýew kömek edýär.
Okuw seminarynyň çäginde eminlik ukyplaryny ýokarlandyrmak, şeýle hem FIFA- nyň bedenterbiýe standartlaryny geçmek üçin nazaryýet we amaly sapaklar geçirilýär.
Ýerli kazylaryň nazaryýet maglumatlary bilen “Sport” myhmanhanasynyň mejlisler zalynda tanyşýarlar, amaly sapaklar bolsa “Aşgabat” köpugurly stadionynda geçirilýär. Bu seminara ýurdumyzyň ähli sebitlerine wekilçilik edýän 32 emin gatnaşýar.
Çäreler, esasy liganyň klublarynyň arasynda Türkmenistan çempionatynyň täzeden başlamagyna, ätiýaçlyk toparlaryň çempionatyna we ýurdumyzyň kubogyna taýýarlygyň çäginde geçirilýär.
ORIENT news
