Türkmenistanda ýurduň çäginden ýitip giden diýlip hasaplanýan ösümligi tapdylar
Türkmenistanyň günorta-günbatarynda 20 ýyl gözlegden soňra ozal Türkmenistanyň ösümlik dünýäsinden ýitip giden diýlip hasaplanýan ösümligiň görnüşi – ýabany german muşmulasy tapyldy. Ony barmasy kyn bolan dag böleginde tapdylar.
Alymlar geçen asyrda bu miweli ösümligiň kiçiräk topar bolup Balkan welaýatynyň Magtymguly etrabynda ýerleşýän Çendir derýasynyň boýundaky Güýen jülgesinde ösýändiklerini tassyklaýarlar – diýip, «Neýtralnyý Turkmenistan» gazeti habar berýär.
Az öwrenilendigi we seýrek duş gelýändigi sebäpli ösümlik Türkmenistanyň Gyzyl kitabynyň üç neşiriniň hiç birinede girmedi. Ýöne ýurdumyzyň botanikleri bu ýabany ösümligi tebigy ösýän gurşawynda gaýtadan dikeltmek synagyny geçirdiler. Ony Botanika bagynda ösdürip ýetişdirmek synagyndan soňra, muşmulany oňa urugdaş bolan armydyň we ýemşeniň (boýaryşnigiň) kök tutan nahallaryna sapmak barada karar kabul edildi.
Netijede, 2020-nji ýylda ilkinji hasyl alyndy. Ylmy jemgyýet üçin haýran galdyryjy habarlar alnandan soňra, Türkmenistanyň daşky gurşawy goramak Ministrliginiň çöller, ösümlik we haýwanat dünýäsi Milli institutynyň ýabany ösýän miweli ösümlikler boýunça bilermenler topary tapyndynyň ýerine ugrar.
ORIENT habarlar
