“Huawei HarmonyOS” we “EulerOS” kompaniýalarynyň döreden operasion ulgamlary ösdüriler
Hytaýyň Şençžen sebitiniň häkimiýeti “Huawei HarmonyOS” we “EulerOS” kompaniýalarynyň döreden operasion ulgamlaryny işjeň ulanyşa girizjekdigini mälim etdi. Oňa laýyklykda, 2025-nji ýyla çenli ýerli edaralaryň ählisi diýen ýaly bu kompaniýalaryň döreden operasion ulgamlaryny ulanar diýip, “South China Morning Post” habar berýär.
Has takygy, bu döwre çenli Şençžen sebitiniň ykdysadyýetiniň 10-dan gowrak pudagy we 100-den gowrak kompaniýasy “Huawei HarmonyOS” we “EulerOS” kompaniýalarynyň döreden ulgamlaryny ulanyşa girizer.
Ilkinji nobatda, şäheriň suw üpjünçilik, ulag we bilim edaralary bu ulgama geçerler. Şol bir wagtda operasion ulgamlaryň senagat, maliýe, energetika we saglygy goraýyş edaralarynda ornaşdyrylmagyna garaşylýar. Mälim edilişine görä, “Huawei HarmonyOS” we “EulerOS” kompaniýalaryň operasion ulgamlarynyň şu ýylyň birinji çärýeginde ulanylyş möçberi 8 göterim artypdyr. Bu ulgamlar häzirki wagtda dünýäniň 130 ýurdunda 430 million sany ulanyjysy bar.
ORIENT news
