Türkmenistanyň Ýaponiýadaky ilçisi Atadurdy Baýramow penşenbe güni ýapon-türkmen parlamentara dostluk toparynyň sekretariatynyň başlygy Matsuşita Şinpeý bilen duşuşdy.
11 - 17-nji awgust aralygynda Issyk-Kulda (Gyrgyzystan) geçirilen Unifight boýunça Aziýa çempionatynda türkmen türgenleri 2 altyn, 11 kümüş we 3 bürünç – jemi 16 medala mynasyp boldular. Bu barada ORIENT-iň habarçysyna ýurdumyzyň Bedenterbiýe we sport baradaky döwlet komitetinde habar berdiler. Toýly Bazarow 2-nji umumybilim orta mekdebiniň 8-nji synp okuwçysy. Ol nyşana pyçak zyňmakda çempion adyna we 55 kilograma çenli agram derejesinde geçirilen nusgawy uniwersal söweş boýunça kümüş medala mynasyp boldy.
Deňiz söwda floty Türkmenbaşy Halkara portuna girýän daşary ýurt gämilerine bukkerleme hyzmatyny, ýagny diňe gämi duralgalarynda däl, eýsem reýdlerinde hem dizel ýangyjyny guýma hyzmatyny hödürleýär.
17-nji awgustda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow paýtagtymyz boýunça iş saparyny amala aşyryp, Aşgabadyň günorta künjeginde ýerleşýän Magtymguly Pyragy medeni-seýilgäh toplumynyň çäklerinde alnyp barylýan işler hem-de paýtagtymyzy ösdürmegiň möhüm ugurlaryna degişli şekil taslamalary bilen tanyşdy.
Wengriýa Türkmenistanyň BMG-ä hödürlemegi meýilleşdirýän Ähliumumy howpsuzlyk strategiýasyny işläp düzmek boýunça teklibini goldaýar - diýip, Daşary işler ministri Peter Siýýarto penşenbe güni türkmen kärdeşi Raşid Meredow bilen telefon arkaly söhbetdeşlikden soň mälim etdi.
Ýapon kompaniýasy, emeli intellektiň täze işgärlere köp ýyllyk tejribe bilen gelýän duýgurlyga eýe bolmaga kömek eder diýip umyt edýär.
Aragatnaşyk hyzmatlary baradaky iň täze habarlary bilmek ýa-da tersine, telewizor, internet näsazlyklary barada habar bermek üçin 071 hyzmat gullugyna jaň edip, bilersiňiz.
Russiýa Federasiýasynyň Wise-premýeriniň orunbasary Dmitriý Çernyşenko penşenbe güni Sankt-Peterburgyň Lahta merkezinde “Gazprom” PJ-niň Dolandyryş geňeşiniň başlygy Alekseý Miller bilen duşuşdy.
Bişkekdäki her bir agajyň özboluşly «lukmançylyk kartasy» bolar - Gyrgyzystanyň paýtagtynyň häkimligi we «Arça» jemgyýetçilik gaznasy ilkinji gezek şäheriň ýaşyl meýdançalarynyň elektron inwentarizasiýasyny açdy. Sanawda käbir agaçlaryň mukdary, geoýerleşişi, görnüşleri, suwaryşy we ol ýa-da beýleki agaçlaryň ýagdaýy baradaky maglumatlar giriziler diýip, vesti.kg habar berýär.
Iri maýa goýum forumy dekabr aýynda Bakuda 100 töweregi ýurtdan 500-den gowrak kompaniýanyň wekillerini birleşdirer. Azerbaýjan françaýzing assosiasiýasy (FAA) tarapyndan gurnalýan Turan-Ykdysady forumy syýahatçylyk pudagyna halkara maýa goýumlaryny çekmäge gönükdirilendir – diýip, AzerNews habar berýär.
Türkmenistanda "Sanly çözgüt-2023" atly innowasiýa taslamalarynyň bäsleşigi badalga alýar. “Türkmenaragatnaşyk” agentligi IT tehnologiýalary we programmirleme bilen meşgullanýan ýaşlary intellektual bäsleşige gatnaşmaga çagyrýar.
Mekdep möwsümine taýýarlyk görmegiň çäklerinde “Berkarar” söwda we dynç alyş merkezindäki “Samsonite” dükany “Samsonite” we “American Tourist ‘ýaly meşhur daşary ýurt brendleriniň ýokary hilli egin-arka ýantorbalaryna (rýukzaklara) 40% arzanladyş yglan edýär.
Daniýaly onlaýn satyjy Auluna Private Lable – daşky geýimleri, şol sanda eko derileri satyjy we öndüriji Hytaýdan önümçilik kuwwatynyň bir bölegini Özbegistana geçirmegi meýilleşdirýär. Täze ýerde zawod açmak bilen, kompaniýa logistika meselelerini çözmegi we harytlary Ýewropa bazaryna eltmek üçin sarp edilýän wagty azaltmagy maksat edinýär. Häzirki wagtda Hytaýdan Ýewropa önümler ortaça 6-7 hepdede barýar.
“Türkmenergo” döwlet korporasiýasy we Owganystanyň “DABS” kompaniýasy Gerat sebitindäki Nur al-Jihad elektrik paýlaýjy bekedi arkaly elektrik energiýasyny ibermek hakynda bilelikdäki Teswirnama gol çekdiler. Gol çekişlik dabarasyna türkmen tarapyndan resmi wekiller hökmünde korporasiýanyň tehniki we halkara taslamalar bölümleriniň wekilleri, owgan tarapyndan bolsa, kompaniýanyň baş direktory gatnaşdy.
Türkmenistan futbol çempionatynyň on üçünji tapgyrynyň çäginde paýtagtyň "Kopetdag" topary adybir stadionynda ýurdumyzyň çempiony "Ahal" -y kabul etdi. Bu oýunda "Türkmennebitönümleri" Baş müdirliginiň topary halaýanlaryň statusyny tassyklady we 3:1 hasabynda ynamly ýeňiş gazandy.
