Ýaponiýada Gurbanguly Berdimuhamedowyň «Ömrümiň manysynyň dowamaty» atly kitabynyň tanyşdyrylyşy geçirildi
Türkmenistanyň Ýaponiýadaky ilçisi Atadurdy Baýramow penşenbe güni ýapon-türkmen parlamentara dostluk toparynyň sekretariatynyň başlygy Matsuşita Şinpeý bilen duşuşdy.
Diplomat Ýaponiýanyň parlamentine awtory türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bolan «Ömrümiň manysynyň dowamaty» atly täze kitaby hödürledi. Kitabyň bölümlerinden biri «Ýagşy adam ýatdan çykmaz» diýlip atlandyrylýar we Ýaponiýanyň öňki premýer-ministri Sindzo Abe bagyşlanýar. Awtor, Türkmenistan bilen Ýaponiýanyň arasyndaky dostlukly gatnaşyklary berkitmekde abraýly syýasatçynyň orny barada gürrüň berdi.
Ýapon tarapy Gurbanguly Berdimuhamedowa türkmen-ýapon hyzmatdaşlygynyň ösüşine dowamly üns berýänligi üçin çuňňur minnetdarlyk bildirdi. Duşuşyga gatnaşyjylar mundan beýläkki hyzmatdaşlyk meseleleri boýunça pikir alyşdylar diýip, habarda aýdylýar.
ORIENT news
