Prezidentimiz Serdar Berdimuhamedow anna güni Ministrler Kabinetiniň ýylyň birinji ýarymynyň netijeleri boýunça mejlisinde Nyýazly Nyýazlyýewi işinde goýberen kemçilikleri üçin «Türkmenhimiýa» döwlet konserniniň başlygy wezipesinden boşatdy.
Prezident Serdar Berdimuhamedow Begenç Çaryýewi, işde goýberen kemçilikleri üçin, Türkmenistanyň Döwlet haryt-çig mal biržasynyň başlygy wezipesinden boşatdy.
Prezident Serdar Berdimuhamedow ýarymýyllygyň netijeleri boýunça anna güni geçirilen Ministrler Kabinetiniň giňişleýin mejlisinde Hajymuhammet Rejepmyradowy, işde goýberen kemçilikleri üçin, Türkmenistanyň energetika ministri wezipesinden boşatdy.
Bu çärä gatnaşmak üçin Azerbaýjanyň paýtagtyna dünýä belli britan sazandasy we estrada aýdymçysy Engelbert Hamperdink barar, onuň şahsy awtografy bilen ýyldyzy “ýyldyz” ýolunda ilkinji bolar - diýip, Day.Az habarlar gullugy habar berýär.
Hazar deňziniň üstki meýdany 15 ýylda 8 müň km² azaldy. Bilermenleriň pikiriçe, suwuň derejesiniň peselmegi eýýäm ekoulgama we deňiz senagatyna täsir edip ugrady. Gazagystanyň ekologlarynyň pikiriçe, Hazara Wolga we Žaýyk derýalarynyň suwuny guýmaly – diýip, Sputnik habar berýär.
Hywa 2024-nji ýylda Yslam dünýäsiniň syýahatçylyk paýtagty diýlip yglan edildi. Bu karar penşenbe güni Bakuwda geçirilen Yslam Hyzmatdaşlyk Guramasynyň XI mejlisinde kabul edildi. Bu barada Özbegistanyň Syýahatçylyk we medeni miras ministrliginiň metbugat gullugy habar berdi.
Aşgabatlylaryň arasynda paýtagtyň merkezinde ýerleşýän bu şäher seýilgähi "Disneýlend" ady bilen has meşhur. Çagalar saglyk festiwaly 18-nji iýulda “Ertekiler dünýäsi” dynç alyş zolagynda geçiriler, bu ýerde ir säherde ýaş türgenler, ýagny hokkeýçiler, gimnastikaçylar, welosiped sürüjiler, futbolçylar we basketbolçylar ýygnanar.
Hytaý tizligi sagatda 250 km yzygiderli ýük otlularyny işe girizer. 12-nji iýulda Günbatar Hytaýda Çendu bilen Kunminiň arasynda görkezilen tizlikde ýola goýlan iki otlynyň synag gatnawlary üstünlikli tamamlandy. Geljekde bu gatnawlar her gün amala aşyrylar.
Şu ýylyň ýanwar – aprel aýlarynda Azerbaýjan Respublikasy Türkmenistandan 3,97 müň tonna uçar ýangyjyny satyn aldy. Bu barada “Trend” habarlar agentligi Azerbaýjanyň Statistika baradaky döwlet komitetine salgylanyp habar berýär.
Nebit önümlerini eksport ediji ýurtlaryň guramasy (OPEK) 2024-nji ýylda nebit önümlerine bolan gündelik isleg häzirkisinden 2,2 million barrele çenli artar. Bu barada guramanyň aýlyk hasabatynda mälim edilýär.
Türkmenistanyň saglygy goraýyş we derman senagaty Ministrliginiň «Buýan» agrosenagat toplumy ýylyň başyndan bäri daşary ýurda buýan köküniň 3,3 müň tonnadan gowragyny we buýan ekstraktynyň 613 tonnasyny eksport etdi- diýip, «Türkmenistan» gazeti ýazýar.
Hytaýyň kadalaşdyryjy edaralary dörediji emeli intellektiň işini kadalaşdyrjak düzgünleriň ýygyndysyny işläp düzdüler – diýip, Sinhua habar berýär. Bu dünýäde şuňa meňzeş düzgünleriň ýygyndysynyň ilkinjisidir.
Fransiýada satyljak ähli elektron enjamlarda ene-atalara gözegçilik etmäge şert döredýän elektron ulgam ornaşdyrylar. Bu barada ýurduň sanly ulgama geçiş we telekommunikasiýalar ministr-delegaty Žan-Noel Barro özüniň “Twitter” hasabynda mälim edýär.
Türkmenistanly işewürler Hindistanda geçiriljek “India Medtech Expo 2023” halkara sergisine gatnaşmaga çagyrylýar. Bu barada Türkmenistanyň Senagatçylar we telekeçiler birleşmesi habar berýär.
Türkmenistanyň Döwlet gümrük we serhet gulluklarynyň hünärmenleri serhetýaka gözegçilik-geçiriş ýerlerinde ulaglary barlagdan geçirmek boýunça tejribelerini artdyrýarlar.
