Ýaponiýa bilen Gazagystan indiki ýyl Merkezi Aziýa - Ýaponiýa görnüşinde sammit geçirmek üçin hyzmatdaşlyk etmek barada ylalaşdylar. Bu barada Ýaponiýanyň Daşary işler ministrligi BMG-nyň Baş Assambleýasynyň çäginde bölümiň başlygy Ýoko Kamikawa bilen Gazagystanyň Daşary işler premýer-ministriniň orunbasary Murat Nurtleunyň arasynda geçirilen duşuşygyň netijesi boýunça habar berdi.
Aşgabat, 2023-nji ýylyň 21-nji sentýabry: Türkmenistanyň Oguz han adyndaky inžener-tehnologiýalar uniwersiteti, Birleşen Milletler Guramasynyň Ösüş Maksatnamasy (BMGÖM) we Aşgabatdaky ÝHHG-niň Merkezi bilen bilelikde 2023-nji ýylyň 18-21-nji sentýabry aralygynda Aşgabat şäherinde “Durnukly ykdysady ösüş: innowasiýa we senagatlaşma” atly ýokary tehnologiýa hepdeligini geçirýär.
Şu ýylyň ýanwar - awgust aýlarynda Türkmenistan umumy bahasy 6,63 milliard dollar bolan tebigy gazy Hytaýa iberdi. Bu geçen ýylyň degişli döwründäki görkezijiden 5 göterim köpdür.
Bişkekde, ähmiýeti boýunça Merkezi zonada AFK kubogy - 2023/24-iň ikinji möhüm Aziýa klub ýaryşynyň toparçasynyň 1-nji tapgyrynyň oýny geçirildi. Onda “Altyn Asyr” (Türkmenistan) we “Abdyş-Ata” futbol klublary (Gyrgyzystan) oýnady. Ýer eýesi 3:0 hasabynda ýeňiş gazandy.
Ýewropanyň söwda-senagat palatalary Assosasiýasy (Eurochambres) bilen Türkmenistanyň Söwda-senagat edarasynyň arasynda hyzmatdaşlyk gurmak, işewürligi ösdürmek üçin ýöriteleşdirilen platforma döretmek mümkinçilikleri Türkmenistanyň Belgiýadaky ilçisi Sapar Pälwanow we Eurochambres-iň ýolbaşçysy Wladimir Dlouhiniň arasynda geçirilen duşuşygyň temasy boldy.
Beýik Britaniýanyň "William Reed" neşiri 2023-nji ýylda dünýäniň iň gowy 50 myhmanhanasynyň sanawyny düzdi. Oňa laýyklykda, dünýäniň iň gowy myhmanhanasy Italiýada ýerleşýän "Passalacqua" atly willa myhmanhanadyr.
Ýewropanyň Täzeleniş we ösüş banky Ýewropa Bilelelşiginiň maliýe ýardamy bilen Aşgabatda wençur maýa goýumlaryna bagyşlanan okuw sapaklarynyň täze tapgyryny gurady.
“Ýenme” jemgyýetçilik guramasy Aşgabat şäheriniň ýaşaýjylaryny we myhmanlaryny “Öýe barýan ýol” teatr eserine çagyrýar. Bu spektakl maglumat we bilim beriji bolup, daşary ýurtlarda ýaşaýan migrant aýallaryň ykbaly barada gürrüň berýär.
Türkmenistanyň Garaşsyzlygynyň 32 ýyllygyna bagyşlanan çäre, çarşenbe güni Türkmenistanyň Türkiýedäki ilçihanasynyň we Türki dünýäsiniň Ýaşlar geňeşiniň goldawy bilen Ankarada geçirildi. Duşuşyga türkmenleriň we türk häkimiýetleriniň wekilleri, jemgyýetçilik, ylym we medeniýet wekilleri gatnaşdy diýip, türkmen diplomatik wekilhanasynyň metbugat gullugy habar berdi.
Aşgabadyň gazna biržasy “Gymmatly kagyzlar bazary we gymmatly kagyzlar bilen işlemek” ugry boýunça gysga möhletleýin okuwlara seçip alyş işini yglan edýär. Oňa soňky döwürde ýurdumyzda kemala gelýän gazna bazarynda gymmatly kagyzlaryň işi barada giňişleýin öwrenmek isleýän islendik adam gatnaşyp biler.
20-21-nji sentýabrda Türkmenbaşy şäherinde Halkara awtoulag gatnawlary boýunça türkmen-gazak toparynyň nobatdaky mejlisi geçirilýär.
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew Türkmenistanyň Prezidentiniň tabşyrygy esasynda Aşgabat şäheri we Balkan welaýaty boýunça iş saparlaryny amala aşyrdy.
Türkmenistanyň, Gazagystanyň we Özbegistanyň çäklerini tutýan Turan düzülügi ÝUNESKO-nyň Bütindünýä Tebigy mirasynyň sanawyna girizildi. Bu baradaky çözgüt Guramanyň Bütindünýä mirasy komitetiniň Er-Riýad şäherinde geçirilen 45-nji mejlisinde kabul edildi.
Aşgabat şäherinde noýabr aýynda Eýranyň senagat harytlarynyň sergisi geçiriler. Bu barada Eýranyň ýurdumyzdaky ilçisi Golam Abbas Arbab Hales mälim edýär diýip, “TASS” habarlar agentligi habar berýär.
Awstriýanyň Federal demir ýollarynyň ýük bölümi “Orta geçelge” ady bilen tanalýan Hazarüsti halkara ulag geçelgesi arkaly Türkmenistana, Gazagystana we Özbegistana ýük daşar. Şunda daşalýan ýüküň howpsuzlygy we ygtybarlygy doly üpjün edilip, ol 30 gün töwereginde eltiler.
