Serdar Berdimuhamedow gazak kärdeşini ýurduň Respublika güni bilen gutlady
Türkmenistanyň Prezidenti Serdar Berdimuhamedow gazak kärdeşi Kasym-Žomart Tokaýewi ýurduň Respublika güni mynasybetli gutlap, halklaryň arasyndaky ikitaraplaýyn gatnaşyklaryň okgunly ösdüriljekdigine we çuňlaşdyryljakdygyna ynam bildirdi.
“Siziň parasatly baştutanlygyňyzda Gazagystan Respublikasy häzirki döwürde durmuşyň ähli ugurlarynda öňegidişlik we gülläp ösüş ýoly bilen ynamly barýar. Ýurduňyz bu şanly güni durmuş-ykdysady ösüşde, halkyň hal-ýagdaýyny gowulandyrmakda we halkara giňişlikdäki abraýyny berkitmekde uly üstünlikler bilen garşy alýar” diýlip, Prezident Serdar Berdimuhamedowyň gutlag hatynda nygtalýar.
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem Gazagystanyň Respublika güni mynasybetli Prezident Kasym-Žomart Tokaýewe mähirli gutlaglaryny iberip, oňa berk jan saglyk, bagtyýarlyk we jogapkärli wezipesinde üstünlikleri, Gazagystan Respublikasynyň doganlyk halkyna bolsa parahatçylyk, öňegidişlik, mundan beýläk-de gülläp ösüş arzuw etdi.
33 ýyl mundan ozal, Gazagystanda döwlet özbaşdaklygy hakynda Jarnama kabul edildi.
ORIENT news
