Häzirki wagtda Penza döwlet uniwersitetinde 22 müň töweregi talyp bilim alyp, şolaryň 2,8 müňüsi daşary döwletleriň 40-synyň raýatlarydyr. Bu ýokary okuw mekdebinde türkmen ýaşlarynyň 253-si ýokary bilim alýar.
Türkmenistanyň Eýrandaky Baş konsuly Ylýas Gaýypow Eýranyň daşary syýasat edarasynyň demirgazyk-günorta sebitindäki missiýasynyň ýolbaşçysy Ahmad Musamifar bilen gepleşikleri geçirdi.
“Türkmendemirýollary” agentliginiň wekilleri Koreýanyň Ulag institutynyň (KOTI) ylmy barlagçylaryny Türkmenistanda durmuşa geçirilýän demir ýol taslamalaryna gatnaşmaga çagyrdy. Koreý tarapy bu ugurdaky işlere gyzyklanmalaryny beýan etdi.
“Ricciarelli SPA”, “RI.MA Group”, “FBR-ELPO”, “SARBA International” ýaly italýan kompaniýalary bilelikde taslamalary durmuşa geçirmek üçin tekliplerini türkmen tarapyna hödürlediler.
Prezident Serdar Berdimuhamedow Azerbaýjan Respublikasynyň Prezidenti Ilham Aliýewe Azerbaýjanyň Garaşsyzlygynyň dikeldilen güni mynasybetli tüýs ýürekden gutlaglaryny we iň gowy arzuwlaryny iberdi. Bu barada Döwlet habarlar agentligi habar berýär.
Kärhana häzirki wagtda önümlerini daşary döwletlere eksport etmek boýunça baglaşan şertnamalary bilen baglylykda, önümçiligini has-da giňeltmegi meýilleşdirýär. Şeýlelikde, “Eýýamyň” önümleri ýakyn günlerde Özbegistana hem-de Gazagystana eksport edilip başlanar.
“Ýeri bilelikde goraýarys” ady bilen dynç gününde Aşgabatdaky Bilelikdäki türkmen-türk mekdebinde howa we ekologiýa festiwaly geçirildi.
17-nji oktýabrda, sişenbe güni Aşgabatda Tatarystan Respublikasynyň Medeniýet günleri başlandy. Açylyş dabarasy Türkmenistanyň Döwlet medeniýet merkeziniň Mukamlar köşgünde geçirildi. Tatarstanyň ÝUNESKO-nyň sanawyndaky ýerleriniň surat sergisi açyldy we respublikanyň sungat ussatlarynyň konserti geçirildi.
Özbegistanda demir ýol gatnawy konsepsiýasy ösdüriler. Ony durmuşa geçirmegiň başlangyjy, ýurduň taryhy şäherleriniň arasynda kaşaň otly Luxury Train Cruising gatnawy bolar.
Hytaý Ýewropa uzaýan demir ýol ýük gatnawlary üçin degişli desgalary ösdürmäge we maýa goýmaga taýýar.
Pekin şäherindäki Halk ýygnagy öýünde “Bir guşak, bir ýol” halkara forumynyň 3-nji maslahatyna gatnaşyjy wekiliýetleriň baştutanlaryny garşylamak dabarasy geçirildi.
Häzirki wagtda pars gaplaňlaryna ýitip gitmek howpy abanyp, olaryň goralmagyna aýratyn jogapkärli seredilýär. Gaplaňlaryň bu görnüşi esasan, Eýranda duş gelip, Türkmenistanyň, Kawkazyň, Pakistanyň, Owganystanyň we Russiýanyň günortasynda seýrek ýagdaýda duş gelýär.
Geljek hepde 25-27-nji oktýabr aralygynda Aşgabatda “Türkmenistanyň nebit we gazy” (OGT 2023) XXVIII halkara konferensiýasy we sergisi geçiriler. Bu çäre, “Türkmengaz”, “Türkmennebit” döwlet konsernleri, Türkmenistanyň Söwda-senagat edarasy we “Türkmenengeologiýa” döwlet korporasiýasy iňlis kompaniýasy GaffneyCline-iň goldawy bilen “Türkmen forum” HJ bilen bilelikde gurnalýar.
Amerikanyň Birleşen Ştatlarynyň “Netflix” kompaniýasy offlaýn görnüşde öz önümlerini halk köpçüligine ýetirmegi maksat edinýär.
Serginiň çäklerinde amaly-haşam sungatynyň önümlerini, milli lybaslary, öý hojalyk harytlary we Merkezi Aziýa halklarynyň şahyrlarynyň eserleri bilen tanyşmak bolýar.
