Baş konsul Penza döwlet uniwersitetinde okaýan türkmen talyplary bilen duşuşdy
Türkmenistanyň Kazan şäherindäki Baş konsuly Güýç Garaýew Penza döwlet uniwersitetinde bilim alýan türkmen talyplary bilen duşuşdy. Bu barada Baş konsullyk habar berýär.
Mälim edilişi ýaly, konsullyk edarasynyň watandaşlar bilen aragatnaşygy ösdürmek boýunça işleriniň çäklerinde türkmen talyplarynyň ýaşaýyş-durmuş we okuw şertleri, şeýle hem ýokary okuw mekdebiniň ýolbaşçylary bilen tanyşmak maksady bilen geçirildi.
Penza döwlet uniwersitetiniň rektory Aleksandr Gulýakow bilen bolan duşuşykda ýokary bilim babatda Türkmenstanyň we Russiýa Federasiýasynyň arasyndaky hyzmatdaşlygyň wajyplygy nygtaldy. Häzirki wagtda Penza döwlet uniwersitetinde 22 müň töweregi talyp bilim alyp, şolaryň 2,8 müňüsi daşary döwletleriň 40-synyň raýatlarydyr. Bu ýokary okuw mekdebinde türkmen ýaşlarynyň 253-si ýokary bilim alýar.
Rektor türkmen talyplarynyň okuwlaryna örän ünsli garaýandyklaryny we olaryň maglumat tehnologiýalary, lukmançylyk, lingwistika, pedagogika, psihologiýa we beýleki ugurlarda bilim alýandyklaryny belledi. Türkmen ýaryşlary sport ýaryşlaryna hem işjeň gatnaşýarlar.
Ýokary okuw mekdebine saparynyň çäklerinde, Baş konsulyň türkmen talyplary bilen duşuşygy geçirildi.
ORIENT news
