Birnäçe ýyllyk arakesmeden soň, Italiýanyň işewür wekiliýeti Türkmenistana sapar bilen geldi
Uzak ýyllyk arakesmeden soň, Italiýanyň kompaniýalarynyň işewür topary iki ýurduň arasynda işewürlik gatnaşyklaryny giňeltmek üçin Aşgabada sapar bilen geldi. Işewürlik duşuşyklary Türkmenistanyň Söwda-senagat edarasynda geçirilýär diýip, Italiýanyň ýurdumyzdaky ilçihanasy mälim edýär.
“Ricciarelli SPA”, “RI.MA Group”, “FBR-ELPO”, “SARBA International” ýaly italýan kompaniýalary bilelikde taslamalary durmuşa geçirmek üçin tekliplerini türkmen tarapyna hödürlediler.
Mysal üçin “Rinieri srl” kompaniýasy oba hojalyk tehnikalary we enjamlary pudagynda gazanan üstünlikeri bilen tanyşdyrýar. Kompaniýa Ýewropa bazarynda eýýäm bir asyrdan gowrak wagtdan bäri işläp gelýär we geçen döwürde özüni ynamdar hyzmatdaş hökmünde tanatdy. “Vinetinox” kompaniýasy üzümçilik pudagynda öňdebaryjysyny tanyşdyrýar. 1979-njy ýyldan bäri kompaniýa bagçylyk babatda iň gowy tejribeleri durmuşa ornaşdyrýar.
Häzirki wagtda Türkmenistan daşary ýurt kompaniýalary bilen gatnaşyklary işjeňleşdirýär. Bu ýurduň daşary söwda dolanyşygyny ösdürmek we türkmen önümleriniň bäsdeşlige ukyplylygyny ýokarlandyrmak babatdaky meýillerini görkezýär.
ORIENT news
