Eýranyň Horasan-Rezawi sebitiniň wekiliýeti Türkmenistana geler
Türkmenistanyň Eýrandaky Baş konsuly Ylýas Gaýypow Eýranyň daşary syýasat edarasynyň demirgazyk-günorta sebitindäki missiýasynyň ýolbaşçysy Ahmad Musamifar bilen gepleşikleri geçirdi. Bu barada Türkmenistanyň Maşat şäherindäki Baş konsullygy habar berýär.
Türkmen diplomaty Ahmad Musamifary jogapkärli wezipä bellenmegi bilen gutlap, onuň Türkmenistanyň Garaşsyzlygynyň 32 ýyllygy mynasybetli gutlagyna hoşallyk bildirdi. Taraplar Söwda-ykdysady, ylmy-tehniki we medeni-ynsanperwer hyzmatdaşlyk boýunça özara pikirler alşyldy.
Şundan ugur alyp, Mary welaýatynyň we Horasan-Rezawi sebitiniň arasynda baglaşylan Ähtnama barada durlup geçildi. Ol ýurtlaryň sebitleriniň arasynda özara gatnaşyklary işjeňleşdirmegi maksat edinýär. Eýranyň Horasan-Rezawi welaýatynyň häkiminiň ýobaşçylygyndaky wekiliýetiň Türkmenistana öňde boljak sapary degişi resminamany durmuşa geçirmekde möhüm ädim bolar.
Şeýle hem, 17-18-nji noýabrda Aşgabatda Söwda-ykdysady hyzmatdaşlyk boýunça türkmen-eýran toparynyň 17-nji mejlisi geçiriler. Şeýle hem, bu günlerde Eýranyň senagat harytlarynyň sergisi geçiriler.
ORIENT news
