23-nji noýabrda Azerbaýjanyň Baku şäherinde BMG-niň Merkezi Aziýa ýurtlarynyň ykdysadyýetleri üçin ýörite maksatnamasynyň (SPEKA) Dolandyryş geňeşiniň 18-nji mejlisi geçirildi.
Türkmenistanyň Ulag-logistika merkezi/TULM we Finlýandiýanyň logistika kompaniýasy “Nurminen Logistics Oyj”, 22-23-nji noýabrda Londonda geçirilen “Türkmenistanyň maýa goýumy we ösüşi” atly işewürlik forumynyň dowamynda hyzmatdaşlyk boýunça Memoranduma gol çekdi.
**[«İşindetayı»](https://isindetayi.com/)** türk halkara žurnaly Türkmenistanyň Prezidentiniň şu ýylyň 25-26-njy oktýabrynda Türkiýä amala aşyran resmi saparyna bagyşlap, ýörite sanyny çap etdi. Bu barada Türkmenistanyň Türkiýe Respublikasyndaky **[Ilçihanasy](https://turkey.tmembassy.gov.tm/en)** (Ankara şäheri) habar berýär.
Dünýä çempionatyna jemi 80 ýurtdan 766 küştçi gatnaşýar.
OpenAI amerikan kompaniýasynyň esaslandyryjysy Sem Altman baş direktorlyk wezipesine dolanýar. Bu baradaky ylalaşyk direktorlar geňeşinde gazanyldy.
Magtymguly adyndaky Türkmen döwlet uniwersitetiniň ÝUNESKO kafedrasynyň hünärmenleri W.N.Tatişew adyndaky Astrahan döwet uniwersitetiniň wekilleri bilen sanly ulgam arkaly gepleşikleri geçirdiler. Onda iki ýokary okuw mekdebiň alym mugallymlarynyň ylmy çykyşlary diňlenilip, hyzmatdaşlygy giňeltmegiň meseleleri maslahatlaşyldy. Bu barada «Нейтральный Туркменистан» gazeti habar berýär.
22-nji noýabrda Türkmenistanyň Döwlet gümrük gullugynda Ýewropa Bileleşiginiň bilermenleri Latwiýa Respublikasynyň Döwlet girdejiler gullugynyň gümrük müdirliginiň müdiriniň orunbasary Sandra Karkline-Admine we Latwiýa Respublikasynyň Azyk we weterinariýa gullugynyň serhet gözegçilik bölüminiň müdiri Iweta Şise-Trede bilen duşuşyk geçirildi.
Türkmenistanyň Saglygy goraýyş we derman senagaty ministrligi we GFR-iň Federal Saglygy goraýyş ministrligi saglygy goraýyş ulgamynda hyzmatdaşlyk meýilleri boýunça bilelikdäki jarnama gol çekdiler. Bu barada Türkmenistanyň Berlin şäherindäki ilçihanasy habar berýär.
Türkmenistanyň Katar döwletindäki ilçisi Myratgeldi Seýitmämmedowyň bu ýurduň Medeniýet merkeziniň baş direktory Halid bin Ibrahim Al Sulaiti bilen ikitaraplaýyn duşuşygy geçirildi. Bu barada Türkmenistanyň Doha şäherindäki diplomatik wekilhanasynyň metbugat gullugy habar berýär.
21-nji noýabrda Türkmenistanyň Döwlet haryt-çig mal biržasynyň söwdalarynda daşary ýurt bazaryna boýalan tüýjümek önümler (1 kg üçin 4,50 $) hem-de aşgarlanmadyk nah ýüplügi (1,92—2,02 $) ýerlenildi.
Türkmenistanyň RF-däki ilçisi Esen Aýdogdyýew Russiýanyň daşary işler ministriniň orunbasary Andreý Rudenko ynanç hatynyň nusgasyny gowşurdy. Bu barada Türkmenistanyň Russiýadaky diplomatik wekilhanasy habar berýär.
Türkmenistanyň Gazagystandaky ilçisi Batyr Rejepow L.N.Gumilýow adyndaky Ýewraziýa milli uniwersitetinde talyplara sapak berdi. Oňa ýokary okuw mekdebiniň mugallymlary, bu ýerde okaýan türkmen talyplary gatnaşdylar.
23-24-nji noýabrda Täjigistanyň paýtagty Duşenbe şäherinde Ykdysady we ylmy-tehniki hyzmatdaşlyk boýunça Hökümetara türkmen-täjik toparynyň nobatdaky mejlisi geçiriler. Bu barada Täjigistanyň Milli habarlar agentligi mälim edýär.
Türkmenistan Özbegistanyň iň iri altynjy daşary söwda hyzmatdaş ýurdy boldy. Şu ýylyň geçen 10 aýynyň dowamynda iki goňşy ýurduň arasyndaky söwda dolanyşygy takmynan 1 milliard ABŞ dollaryna ýetdi. Bu görkeziji geçen ýylyň degişli döwründäkiden 1,8 göterim köpdür.
“Türkmenistan” Germaniýanyň “Hahn Air” awiakompaniýasynyň iň öňdebaryjy hyzmatdaşlarynyň sanawyna girdi. Indi dünýädäki syýahatçylyk agentlikleri “Hahn Air Systems H1” kody boýunça “Global Distribution System” (GDS) ulgamy arkaly “Türkmenistan” awiakompaniýasynyň uçuşlaryna biletleri öňünden satyn alyp bilerler.
