Türkmenistanyň Döwlet haryt-çig mal biržasynyň söwdalarynda “B” kysymly karbamid we aşgarlanmadyk “mitgal” mata ýerlenildi

Ýanwar 08, 2024 | 22:28 |5904

6-njy ýanwarda şenbe güni Türkmenistanyň Döwlet haryt-çig mal biržasynyň söwdalarynda daşarky bazarlara “B” kysymly karbamid we aşgarlanmadyk “mitgal” mata ýerlenildi.

Beýik Britaniýanyň we Demirgazyk Irlandiýanyň Birleşen Patyşalygynyň telekeçileri “Türkmenhimiýa” döwlet konserni bilen “B” kysymly karbamidi satyn almak barada geleşik baglaşdylar.

Gyrgyzystanyň işewürleri türkmen kompaniýasy bilen aşgarlanmadyk “mitgal” matany satyn almak barada geleşik baglaşdylar.

Söwdalaryň dowamynda jemi bahasy $21 097 500 bolan iki geleşik baglaşyldy.

Türkmenistanyň Döwlet haryt-çig mal biržasynyň kotirowkalary bilen şu salgyda tanşyp bilersiňiz.

ORIENT news