Patriarh Kirill Serdar Berdimuhamedowy Täze ýyl — Roždestwo baýramlary bilen gutlady
Ýanwar 09, 2024 | 08:59 |984
Moskwanyň we Bütin Rusuň Patriarhy Kirill Türkmenistanyň Prezidenti Serdar Berdimuhamedowy Täze ýyl — Roždestwo baýramlary bilen gutlady. Gutlag haty şu gün Türkmenistanyň resmi metbugatynda çap edildi.
“Täze ýyl — Roždestwo baýramlarynyň bellenilýän döwri hemişe adamlarda oňyn özgerişliklere garaşmak, kynçylyklary we synaglary üstünlikli ýeňip geçmek baradaky umydy döretmek bilen baglanyşyklydyr” diýlip, hatda bellenýär.
Kirill şeýle hem rus prawoslaw ybadathanasy bilen döwlet häkimiýet edaralarynyň we jemgyýetçilik birleşikleriniň arasyndaky hyzmatdaşlygyň ösdürilmeginiň döwürdeşlerimiziň durmuşynda hoşniýetli goňşuçylyk, raýdaşlyk, rehimdarlyk ýörelgelerini pugtalandyrmaga möhüm goşant goşjakdygyna ynanýandygyny aýtdy.
ORIENT news
