Prezident Serdar Berdimuhamedow Owganystana ynsanperwer kömegini ibermek hakynda Buýruga gol çekdi. Resminama laýyklykda, Saglygy goraýyş we derman senagaty ministrligine, Oba hojalyk ministrligine, Dokma ministrligine, Senagatçylar we telekeçiler birleşmesine owgan tarapyna ynsanperwer kömek hökmünde muzdsuz esasda derman we lukmançylyk serişdelerini, azyk we dokma önümlerini gowşurmak bellendi.
Türkmenistanyň Prezidentiniň Permany bilen daşary ýurtlaryň 2 raýaty - Dritter Orden adyndaky Mýunhen anyklaýyş merkeziniň çagalar we neýroortopediýa bölüminiň müdiri, doktor Frimberger Winsenti we "Çalyk Holding" kompaniýalar toparynyň dolandyryş geňeşiniň ýolbaşçysy Ahmet Çalyk "Arkadag" medaly bilen sylaglandylar.
10-njy oktýabrda, sişenbe güni Türkmenistanyň Prezidenti Serdar Berdimuhamedowy “Arkadag” medaly bilen sylaglamak dabarasy, ýurduň Saglygy goraýyş we derman senagaty işgärleriniň gününde “Oguzhan” köşkler toplumynda geçirildi. Dabara ýurduň Mejlisiniň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň ýolbaşçylary gatnaşdy.
Aşgabatda Koreýanyň elipbiýiniň döredilen - Hangyl gününe bagyşlanan koreý dili boýunça kalligrafiýa bäsleşigi geçirildi.
11 - 17-nji oktýabrda Koreýa Respublikasynyň paýtagty Seulda Ýewraziýa medeniýetiniň ilkinji halkara festiwaly geçiriler. Oňa Türkmenistanyň wekiliýeti hem gatnaşar diýip, ýurduň Medeniýet ministrligi "ORIENT-e" habar berdi.
Türkmenistanyň daşary işler ministriniň orunbasary M.Bäşimowa Kanadanyň Türkmenistandaky täze bellenen ilçisi Alan Hemson (oturýan ýeri Astana şäheri) bilen duşuşdy we onuň ynanç hatlarynyň nusgalaryny kabul etdi.
Türkmenistanda 14-15-nji oktýabr aralygynda ýurduň paýtagtynda geçiriljek halkara film festiwalyna taýýarlyk görülýär. Festiwalda meşhur aktýorlaryň we režissiorlaryň gatnaşmagynda dürli ýurtlaryň iň gowy filmleri görkeziler.
Türkmen telekeçisi Balkan Annamyradow Balkan we Ahal welaýatlarynda ösdürip ýetişdirýän käşirleriniň guradylan görnüşiniň önümçiligini ýola goýdy. Bu ýerlerde ösdürilip ýetişdirilen käşir Italiýanyň tehnologiýalary bilen enjamlaşdyrylan önümhanada gaýtadan işlenilip sarp edijilere ýetirilýär.
Soňky ýyllarda energetika pudagy ählumumy özgertmeleri başdan geçirip, howanyň üýtgemegine garşy göreşmek üçin "ýaşyl" energiýa ugruny geljegiň ösüş ugry hökmünde saýlap alýan ýurtlaryň sany barha artýar. Energiýanyň gaýtadan dikeldilýän görnüşlerine geçmek durnukly ösüş ýoly bilen öňe gitmekde möhüm ädim boldy. Howanyň üýtgemegi we metan zyňyndylarynyň möçberini azaltmak bilen bagly meseleler soňky ýyllarda Türkmenistanda geçirilýän halkara energetika maslahatlarynyň esasy üns merkezindäki wezipeler boldy.
Olar Türkmenistanyň raýatlaryny bakalawr we magistratura okuw maksatnamalaryna çekmäge gyzyklanma bildirýärler.
Gazagystanyň Taldykorgan şäherinde «Biken» I halkara teatr festiwalynda Alp Arslan adyndaky Milli drama teatry tarapyndan hödürlenen «Magtymguly Pyragy» sahnasy birnäçe kategoriýada baýrak aldy. Teatr görkezişi teatr we kino aktrisasy Biken Rimowanyň 100 ýyllygyna bagyşlanýar.
Gurluşyk işlerine şu ýylyň oktýabrynda başlamak we 2026-njy ýylyň sentýabr aýynda ulanmaga doly taýýar edip tabşyrmak bellenildi.
Birleşen Milletler Guramasynyň Bosgunlar baradaky Ýokary Komissarlygynyň Müdirliginiň Ýerine ýetiriji komitetiniň 74-nji mejlisi 9-njy oktýabrda Ženewada öz işine başlady. Döwlet migrasiýa gullugynyň başlygy Amanmuhammet Sazakowyň ýolbaşçylygyndaky Türkmenistanyň wekiliýeti hem foruma gatnaşýar diýip, Türkmen Daşary işler ministrliginiň metbugat gullugy habar berýär.
Güýçberdi Gulow 6-njy oktýabrdan 10-njy oktýabr aralygynda Bişkekde geçirilen GDA agza ýurtlaryň XVII Ýaşlar Delfik Oýunlarynyň kümüş medalçysy boldy. Ol 18-23 ýaş aralygyndaky «solo aýdym» kategoriýasynda ikinji ýeri eýeledi. Duşenbe güni emin agzalary birnäçe bäsleşigiň ýeňijilerini yglan etdi diýip, Gyrgyzystanyň «Kabar» agentligi habar berýär.
Türkmen wekiliýeti 9-njy oktýabrdan 13-nji oktýabr aralygynda Gruziýanyň Tbilisi şäherinde geçiriljek Merkezi Aziýa üçin terrorçylyga garşy irki duýduryş torunyň çäginde sebitleýin konferensiýa gatnaşýar.
