13-14-nji sentýabrda Türkmenistanyň Russiýa Federasiýasyndaky Konsullygynyň (Astrahan ş.) gurnamygynda «Газпром добыча Астрахань» medeni-sport merkezinde Magtymguly Pyragynyň Doglan gününiň 300 ýyllygyna bagyşlanan sportuň kiçi- futboly görnüşi boýunça bäsleşik geçirildi.
14-nji sentýabr, şenbe güni Türkmenistanyñ Daşary işler ministri Raşid Meredow ýurdumyzda öz diplomatik wezipesini tamamlaýan Özbegistanyñ Adatdan daşary we doly ygtyýarly ilçisi Akmalžon Kuçkarow bilen duşuşyk geçirdi.
Geljek ýyldan başlap, Amerikanyň iň uly awiakompaniýalarynyň biri bolan “United Airlines” “SpaceX”-den “Starlink” emeli hemra internetiniň üsti bilen ýolagçylara tölegsiz Wi-Fi hödürlär.
Hytaý 2025-nji ýyldan başlap, ýurtda bellenen kanun taýdan pensiýa ýaşyny kem-kemden ýokarlandyryp başlar. Bu 1950-nji ýyllardan bäri bu ugurda ýurtda bolup geçen ilkinji üýtgeşme diýip, Sinhua agentligi habar berýär.
Türkmenistanyň Döwlet gümrük gullugynyň başlygy Maksat Hudaýkulyýewiň Birleşen Milletler Guramasynyň Neşe we jenaýatçylyk baradaky Müdirliginiň Merkezi Aziýa boýunça täze sebitleýin wekili Oliwer Ştolpe bilen duşuşygy geçirildi.
Anna güni, 13-nji sentýabrda, Türkmenistanyň Döwlet haryt çig mal biržasynda geçirilen söwdalaşyklarda “B” kysymly karbamid satyldy.
Türkmenistanyň Bilim ministrligi bilim ulgamyny ösdürmäge hem-de bu babatda halkara hyzmatdaşlygy pugtalandyrmaga gönükdirilen halkara ähmiýetli ylmy çäreleriň geçirilmegi barada habar berdi.
12-nji sentýabrda Magtymguly adyndaky Türkmen döwlet uniwersitetinde Birleşen Arap Emirlikleriniň Ilçisi Ahmed Al Hameliniň rektor Orazgeldi Öwezsähedow bilen duşuşygy geçirildi.
Gazagystan Respublikasynyň Ykdysadyýet we söwda ministri Nazarbek Malaýew 10-11-nji sentýabr aralygynda Aşgabat şäherinde geçirilen Türkmenistanyň Maýa goýum maslahatyna gatnaşdy.
2024-nji ýylyň 12-nji sentýabrynda beýik türkmen şahyry we akyldary Magtymguly Pyragynyň 300 ýyllygynyň bellenilmeginiň çäklerinde, Türkmenistanyň Gruziýadaky ilçihanasy Magtymguly Pyragynyň gruzin diline terjime edilen goşgular ýygyndysynyň tanyşdyryş dabarasyny geçirdi. Bu kitaby Gruziýanyň ýazyjylarynyň döredijilik birleşiginiň başlygy Makwala Gonaşwili terjime etdi.
12-nji sentýabrda Koreýanyň Türkmenistandaky Ilçisi we Ilçihananyň wekilleri “Balkan” gämi gurluşyk we abatlaýyş zawodyna iş saparyny amala aşyrdylar.
12-nji sentýabrda Türkmenistanyň DIM-nde Aşgabatda Merkezi Aziýada howanyň üýtgemegi bilen bagly tehnologiýalar boýunça Sebit merkeziniň döredilmegine hem-de ýurtda energiýanyň täzeden dikeldiýän çeşmeleriniň ösdürilmegine bagyşlanan brifing geçirildi.
Bilim, energetika we daşky gurşawy goramak pudaklarynyň işgärlerinden düzülen Türkmenistanyň wekiliýeti Almaty şäherinde geçirilen “Geljegi şekillendirmek: C5 + ONE Merkezi Aziýa – ABŞ” sebitleýin maslahatyna gatnaşdy.
14-nji sentýabrda WDNH-da (Halk hojalygynyň üstünlikleriň sergisi) Russiýanyň ahalteke atçylyk önümçilik birleşigi tarapyndan gurnalan ahalteke atlarynyň bütin rus sergisi geçiriler.
Moskwada Garaşsyz Döwletleriň Arkalaşygyna agza döwletleriň demir ýol ulaglary geňeşiniň demir ýol ulaglaryny strategiki ösdürmek boýunça komissiýasynyň on ýedinji maslahaty geçirildi. Maslahat tehnologiki aragatnaşyk ulgamyny (TAU) ulanmak arkaly gibrid görnüşinde geçirildi. Bu barada Arkalaşygyň Ýerine ýetiriji komiteti habar berdi.
