DIM-de brifing: gün tertibinde howanyň üýtgemegi bilen baglynyşykly tehnologiýalar we täzeden dikledilýän energiýa
12-nji sentýabrda Türkmenistanyň DIM-nde Aşgabatda Merkezi Aziýada howanyň üýtgemegi bilen bagly tehnologiýalar boýunça Sebit merkeziniň döredilmegine hem-de ýurtda energiýanyň täzeden dikeldiýän çeşmeleriniň ösdürilmegine bagyşlanan brifing geçirildi.
Dabara Türkmenistanyň degişli edaralarynyň, Türkmenistanda akkreditirlenen diplomatik wekilhanalarynyň we halkara guramalarynyň wekiliýetleriniň ýolbaşçylary we wekilleri gatnaşdy.
Türkmenistanyň Daşary işler ministriniň orunbasary Mähri Bäşimowa öz çykyşynda howanyň üýtgemegi bilen bagly tehnologiýalar boýunça Sebit merkeziniň geljekki işiniň konseptual ugurlary hem-de bu babatda Türkmenistanyň Prezidentiniň başlangyçlarynyň ähmiýeti barada belläp geçdi. Merkeziň esasy maksady Merkezi Aziýa sebitinde howanyň üýtgemegi bilen bagly tehnologiýalaryň ornaşdyrylmagyndan we olaryň ulanylmagyndan hem-de howanyň üýtgemegi bilen baglanyşykly meselelerinde sebitiň tehnologiýa ösüşine ýardam bemeginden ybaratdygy barada nygtaldy.
Türkmenistanda BMG-niň hemişelik utgaşdyryjysy Dmitriý Şlapaçenko bu başlangyç daşky gurşawy goramakda umumy maksatlary gazanmak üçin bilelikdäki tagallalaryň birleşdirilmeginde möhüm ädim bolup durýandygy barada aýrtayn belläp geçdi.
Brifingiň dowamynda daşky gurşawy goramak, howanyň üýtgemegi we ekologiýa babatynda hyzmatdaşlygyň esasy ugurlary we mümkinçilikleri ara alnyp maslahatlaşyldy.
Mundan başga-da, tebigy baýlyklardan rejeli peýdalanmak, energiýa netijeliligini ýokarlandyrmak, Türkmenistanda alternatiw “ýaşyl” energetikanyň mümkinçiliklerini dolulygyna ulanmak ýaly meseleler brifingiň gün tertibinde ýer aldy.
ORIENT news
