Türkmenistanda Kent döwlet uniwersitetiniň şahamçasyny açmak mümkinçiligi bilim ministriň orunbasary Azat Ataýewiň we agzalan amerikan ýokary okuw mekdebiniň rektory Todd Dýakonyň arasynda geçirilen duşuşygyň dowamynda ara alnyp maslahatlaşyldy.
2-nji oktýabrda, çarşenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit-himiýa pudagynyň önümleri satyldy.
1-nji oktýabrda bellenilýän Hytaýyň esasy milli baýramçylygy mynasybetli Şensi welaýatynyň Siýan şäherinde “Ýüpek ýoly” atly birinji halkara medeniýet we sungat festiwaly açyldy. Dünýäniň dürli künjeklerinden syýahatçylar sebitiň baý däp-dessurlaryna aralaşmak we Täze Hytaýyň esaslandyrylmagynyň 75 ýyllygyny bellemek üçin “Silk Road Happy World” (“Ýüpek ýoly bagtly dünýä”) seýilgähine ýygnandyrlar.
Türkmenistanyň Prezidenti Serdar Berdimuhamedow Ýaponiýanyň täze Premýer-ministri Sigeru Isiba wezipesine girişmegi mynasybetli gutlaglaryny iberdi.Türkmenistanyň Prezidenti gutlag hatynda Türkmenistan bilen Ýaponiýanyň arasyndaky özara düşünişmek, deňhukuklylyk, ynanyşmak ýörelgelerine esaslanýan dostlukly gatnaşyklaryň mundan beýläk-de yzygiderli ösdüriljekdigine ynam bildirdi.
1-nji oktýabrdan 3-nji oktýabr aralygynda BAE-nyň “Dubai World Trade” sergi merkezinde “Suw, energetika, tehnologiýa we daşky gurşaw” atly halkara sergi (WETEX 2024) geçirilýär. Oňa gatnaşmak üçin Ýagşygeldi Kakaýew adyndaky Halkara nebit we gaz uniwersitetiniň mugallymlary we talyplary türkmen missiýasynyň çäginde wekilçilik etdi.
Çarşenbe güni, 2-nji oktýabrda BMG Adam hukuklary boýunça geňeşiniň 57-nji mejlisiniň çäginde Türkmenistanyň BMG-niň Ženewadaky edarasynyň ýanyndaky hemişelik wekilhanasy Merkezi Aziýa ýurtlarynyň hemişelik wekilhanalary bilen bilelikde, “Adam hukuklary we ösüş hukugy” mowzugynda ugurdaş çäre gurady.
BMG-niň energiýa birikmesi boýunça bilermenleriniň duşuşygy şu ýylyň oktýabr aýynda Aşgabatda geçirilmegi meýilleşdirilýär.
Merkeziukrain Milli tehniki uniwersitetiniň talyby, Türkmenistanyň raýaty Rustam Rahmankulow şu ýylyň 27-29-njy sentýabr aralygynda Ukrainanyň Günbatar sebitinde ýerleşýän Karpat diýen ýerinde geçirilen Jiu-Jitsu söweş sungaty boýunça Ukrainanyň kubogynda 1-nji baýraykly orna mynasyp bolup, altyn medal gazandy.
19-22-nji noýabr aralygynda Hytaýyň Çžeszýan gündogar welaýatynda ýerleşen Uçžen şäherinde Interneti dolandyrmak boýunça ählumumy maslahaty (WIC-2024) geçiriler. Çäre emeli aň tehnologiýalaryna gönükdirilip, “Adamlara gönükdirilen sanly geljek we bähbit üçin emeli aň – kiber giňişliginde umumy geljegi bolan bileleşigiň döredilmegi” atly mowzuga bagyşlanar.
Änjali Kaur, USAID-iň Aziýa buýrosy boýunça administratoryň orunbasarynyň kömekçisi (DAA), Merkezi Aziýa boýunça sebit saparynyň çäklerinde Türkmenistan bilen ikitaraplaýyn hyzmatdaşlygy güýçlendirmek maksady bilen Türkmenistana bardy. DAA Kaur we ilçi Rud, Türkmenistanyň Hökümetiniň esasy wekilleri bilen, şol sanda Daşary işler ministrligi, Maliýe we ykdysadyýet ministrligi, Daşky gurşawy goramak ministrligi, Türkmengaz we Türkmennebit bilen duşuşdy
Türkmenistanyň Bilim ministrliginiň wekiliýetiniň ABŞ-a iş saparynyň çäklerinde AC Language School-da duşuşyk geçirildi. Duşuşyga Türkmenistanyň ABŞ-daky Adatdan daşary we Doly ygtyýarly ilçisi Meret Orazow, Türkmenistanyň bilim ministriniň orunbasary Azat Ataýew, Halkara ynsanperwer ylymlary we ösüş uniwersitetiniň prorektory Nurmuhammet Şyhlyýew we Türkmenistanyň Daşary işler ministrliginiň Halkara gatnaşyklary institutynyň prorektory Begenç Mätliýew gatnaşdylar. AC Language School tarapyndan duşuşygy hökümet we operasion meseleleri boýunça esasy iş dolandyryjysy Angelas Çawiz alyp bardy.
ABŞ-da iş saparynda bolan türkmen wekiliýetiniň ABŞ-nyň Döwlet departamentinde bilim hyzmatdaşlygyna bagyşlanan duşuşygy geçirildi. Ýokary derejede geçirilen duşuşyga ABŞ-nyň bilim we diplomatik edaralarynyň öňdebaryjy wekilleri gatnaşdylar, şol sanda Günorta we Merkezi Aziýa işleri boýunça metbugat we jemgyýetçilik diplomatiýasy baradaky müdirligiň direktorynyň orunbasary Tämi Palçikow, Bütindünýä bilim maksatnamalary müdirliginiň direktorynyň orunbasary Jeými Şarp, ABŞ-nyň Bilim departamentiniň halkara işler müdirliginiň direktorynyň orunbasary Jennifer Hong, Günorta we Merkezi Aziýa işleri boýunça akademiki alyş-çalyş programmalary müdirligiň wagtlaýyn ýolbaşçysy Karin Keiting we beýleki Döwlet departamentiniň wekilleri gatnaşdylar. Türkmenistanyň wekiliýetine Türkmenistanyň bilim ministriniň orunbasary Azat Ataýew, Türkmenistanyň ABŞ-daky Adatdan daşary we Doly ygtyýarly ilçisi Meret Orazow, Halkara ynsanperwer ylymlary we ösüş uniwersitetiniň prorektory N. Şyhlyýew hem-de Türkmenistanyň Daşary işler ministrliginiň Halkara gatnaşyklary institutynyň prorektory B. Mätliýew gatnaşdylar.
1-nji oktýabrda, sişenbe güni, Türkmenistanyň Döwlet haryt çig-mal biržasynda geçirilen söwdalaşyklaryň dowamynda nebit himiýasy we ýeňil senagat önümlerine isleg bildirildi.
1-nji oktýabrda Türkmenistanyň DIM-nde Türkmenistanyň Daşary işler ministriniň orunbasary Ahmet Gurbanow bilen Ýaponiýanyň DIM-niň Merkezi Aziýa we Kawkaz sebiti boýunça ýörite wekili Isikawa Masakiniň arasynda duşuşyk geçirildi.
Educational Testing Service (ETC) Guramasy SAT, ACT, GRE, GMAT, TOEFL we beýleki testleriñ esasynda, täze tehnologiýalaryñ, esasan hem, emeli añyn ulamylmagy bilen test soraglaryny döretmek usulyýetini işläp düzmekde bilim ulgamy boýunça Türkmenistan bilen hyzmatdaşlyga gyzyklanma bildirdi.
