24-nji fewralda Türkmenistanyň DIM-de Türkmenistanyň Daşary işler ministri Raşid Meredow bilen Aşgabada ilkinji gezek sapar bilen gelen BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili Rabab Fatimanyň ýolbaşçylygyndaky wekiliýetiň arasynda duşuşyk geçirildi
Täjikistan, ýaş nesli sanly döwrüň çäksiz mümkinçiliklerine taýynlamak maksady bilen, emeli aň (EA) tehnologiýasyny bilim prosesine ornaşdyrmak üçin ädimler ädýär. EA derslerini mekdep okuw maksatnamasyna goşmak boýunça, başlangyçda ýurduň bäş mekdebini öz içine alýan bu taslama, 2025-nji ýylyň ýanwarynda, ýene bäş okuw jaýy bilen giňeldi. Olaryň her birisinde ortaça 15–20 okuwçy iň täze tehnologiýalary öwrenýär
22-nji fewralda Germaniýanyň paýtagty Berlinde «Berlinale» ady bilen tanalýan Berlin halkara kinofestiwalynyň ýeňijilerini sylaglamak dabarasy geçirildi. Dünýä kinematografiýasynyň iň abraýly festiwallarynyň biri bolan bu çäre, 2025-nji ýylda täze direktor Trişa Tattlyň ýolbaşçylygynda 75 ýyllygyny belledi
Türkmenistanda 2019–2025-nji ýyllar üçin sanly ykdysadyýeti ösdürmegiň Konsepsiýasyny, Türkmenistanda sanly ykdysadyýeti ösdürmegiň 2021–2025-nji ýyllar üçin Döwlet maksatnamasyny hem-de ony amala aşyrmak boýunça ýerine ýetirilmeli çäreleriň Meýilnamalasyny durmuşa geçirmek işi tamamlanyp barýar
Maýa Kulyýewa adyndaky Türkmen milli konserwatoriýasynda 27-nji fewralda ajaýyp aýdymçy, Türkmenistanyň halk artisti Medeniýet Şahberdiýewanyň 95 ýyllygyna bagyşlanan konsert geçiriler. Konsert maksatnamasynyň öň ýanynda sahnada onuň bilen bile çykyş eden hem-de meşhur aýdymçynyň döredijiligi bilen ýakyndan tanyş bolan kärdeşleriniň çykyşlary bolar
Şanhaýda 22-24-nji fewral aralygynda geçirilen Işläp taýýarlaýjylaryň ählumumy maslahaty-2025 tehnologiýalar dünýäsinde möhüm waka bolup, onda emeli aň babatda tejribe alyşmaklyga ähmiýet berildi.
Gazagystanda täze Internet çykalgalary peýda bolar.
Türkmenistanda BRIDGE (Building Resources in Democracy, Governance, and Elections) usulyýeti boýunça dört günlük okuwlar geçirildi. BRIDGE usulyýeti interaktiw çemeleşme bolup, topar ýumuşlary, amaly ýagdaýlaryň derňewlerini we amaly ýumuşlaryň ýerine ýetirilşini öz içine alýar. Munuň özi gatnaşyjylarda saýlaw işini guramak boýunça taýýarlygyň kämilleşmegine we bilimleriniň çuňlaşdyrylmagyna ýardam berýär.
Ertir, 25-nji fewralda howa hünärmenleri Türkmenistanyň käbir welaýatlarynda garyň ýagmagyny çaklaýarlar. Hususan-da, garly howa Aşgabatda, Türkmenabatda we Maryda aralaşar, Daşoguzda we Balkanabatda bulutly ýagynsyz howa bolar.
VI Yslam raýdaşlyk oýunlary 2025-nji ýylyň 7-21-nji noýabry aralygynda Saud Arabystanyň paýtagty Er-Riýad şäherinde geçiriler. Bu oýunlar gatnaşyjy-ýurtlar üçin möhüm çäre bolup durýar. Sebäbi musulman döwletleriň arasynda gatnaşyklaryň pugtalandyrylmagyna hem-de sportuň ýaýbaňlanmagyna ýardam berýär.
Geçen hepde Türkmenistanyň Döwlet haryt çig-mal biržasynda geçirilen söwdalaşyklaryň netijesinde 27 geleşik hasaba alyndy.
Hytaýyň Günorta-Günbataryndaky Kunmin şäherinde ýerleşýän Aziýanyň Dounan iri gül bazarynda 2024-nji ýylda işewürligiň möhüm ösüşi hasaba alyndy diýip, Sinhua agentligi habar berýär.
Türkmenistanyň Oguz han adyndaky Inžener-tehnologiýalar uniwersitetiniň talyplary Süleýmanmuhammet Şamuhammedow we Aýmyrat Halnazarow Indoneziýanyñ Malang şäherinde geçirilen ýaşlaryñ 5-nji Halkara ylym sergi bäsleşigine (YISF) özleriniň ylmy işleri bilen gatnaşdylar.
2025-nji ýylyň 21-nji fewralynda Almaty şäherinde “Almaty Tech Cup-2025” atly Halkara inženerçilik we robototehnika çempionatyna badalga berildi.
Türkmenistanyň Prezidenti Serdar Berdimuhamedow Ýaponiýanyň Imperatory Naruhitony tüýs ýürekden gutlady. Gutlaglar Türkmenistanyň halkynyň we Hökümetiniň adyndan, şeýle hem döwlet Baştutanynyň hut öz adyndan Ýaponiýanyň milli baýramy we Imperatoryň doglan güni mynasybetli iberildi
