Türkmenistanyň Prezidenti Serdar Berdimuhamedow Imperator Naruhitony gutlady
Türkmenistanyň Prezidenti Serdar Berdimuhamedow Ýaponiýanyň Imperatory Naruhitony tüýs ýürekden gutlady. Gutlaglar Türkmenistanyň halkynyň we Hökümetiniň adyndan, şeýle hem döwlet Baştutanynyň hut öz adyndan Ýaponiýanyň milli baýramy we Imperatoryň doglan güni mynasybetli iberildi.
Prezident Serdar Berdimuhamedow öz gutlagynda iki ýurduň arasyndaky yzygiderli pugtalanýan gatnaşyklaryň ýokary derejesiniň guwandyryjydygyny belledi. Türkmenistan bilen Ýaponiýanyň arasynda dürli ugurlarda – syýasy, söwda-ykdysady, medeni-ynsanperwer we beýleki ugurlar boýunça ýola goýlan özara bähbitli hyzmatdaşlygyň mundan beýläk-de ösdüriljekdigine berk ynam bildirdi diýip, TDH habar berýär.
Türkmenistanyň Prezidenti Imperator Naruhito berk jan saglyk, abadançylyk, Ýaponiýanyň halkyna bolsa parahatçylyk we gülläp ösüş arzuw etdi.
ORIENT
