Türkmenistanyň GDA-daky hemişelik doly ygtyýarly wekili Nazarguly Şagulyýew Minskde geçirilen Arkalaşygyň kanuny we beýleki guramalaryna degişli Arkalaşygyň agza döwletleriniň hemişelik wekilleriniň geňeşiniň nobatdaky maslahatyna gatnaşdy. Bu barada GDA-nyň Ýerine ýetiriji komitetiniň saýty habar berýär.
2022-nji ýylyň ýanwar-sentýabr aýlarynda Türkmenistan bilen BAE-niň arasyndaky çig mal däl söwda dolanyşygynyň umumy möçberi takmynan üç esse ýokarlandy - geçen ýylyň degişli döwri bilen deňeşdirilende 296% artyp, 653 million amerikan dollaryna barabar boldy.
Gyş paslynyň gelmegi bilen, Pakistan ýene-de tebigy gaz bilen üpjünçiligiň azalmagy, islegiň ýokarlanmagy we onuň ýiti ýetmezçiligi bilen ýüzbe-ýüz boldy – diýip, Pakistanyň DAWN neşiri ýazýar.
Türkmenistanyň birnäçe ministrlikleriniň we edaralarynyň baştutanlarynyň orunbasarlary, Bütindünýä Söwda Guramasynyň agzalygyna goşulan halatynda ýurduň kuwwatyny ýokarlandyrmak maksady bilen, BMG-nyň Ýewropadaky Ykdysady Komissiýasy bilen bilelikdäki taslamalara gatnaşmaga taýýardyklaryny mälim etdiler.
Samsung kompaniýasy multimediýaly The Freestyle ykjam proýektory islendik ýeri kinoteatra öwrüp bilýär ýa-da şadyýan şekiller bilen dabaraly baýramçylygy bezemäge ukyplydyr.
BMG-niň Neşe serişdeleri we jenaýatçylyk baradaky müdirliginiň Merkezi Aziýa boýunça sebit bölüminiň wekili Aşita Mittal Türkmenistana bolan resmi saparynyň çäklerinde Aşgabatdaky halkara gümrük terminalynyň Port Dolandyryş bölümine we Lebap welaýatyndaky Ymamnazar barlag-goýberiş nokadyndaky serhet hyzmatdaşlygy bölümine baryp görmegi meýilleşdirýär. Bu barada Türkmenistanyň Döwlet gümrük gullugynyň resmi saýty habar berýär.
USAID-iň Häzirki zaman hünärleri ösdürmek taslamasy “Sanly Bilim” kompaniýasy bilen bilelikde “TechYouth Bootcamp” maksatnamasynyň amala aşyrýandygy barada habar berýär.
Sişenbe güni Türkmenistanyň Prezidenti Serdar Berdimuhamedow Abu-Dabide ikitaraplaýyn forumda çykyş edip, BAE bilen ykdysady gatnaşyklaryň derejesine we mümkinçiliklerine ýokary baha berdi.
Türkmenistanyň Energetika ministrliginiň «Türkmenenergo» döwlet elektroenergetika korporasiýasy bilen «Abu Dhabi Future Energy Сompany (Masdar)» kompaniýasynyň arasynda Türkmenistanda umumy gurnalan kuwwaty 100 MW bolan gaýtadan dikeldilýän energiýa çeşmeleri boýunça taslamalary ösdürmek bilen bagly bilelikde işlemek hakynda Ylalaşyga gol çekildi.
Azerbaýjan we Gruziýa Ýewropa Birleşiginiň ýurtlaryna eksporty artdyrmak maksady bilen, suwuklandyrylan tebigy gazyň terminalyny gurmak baradaky taslama täzeden girişýärler. Bu barada ТАСС agentligi habar berýär.
Derman serişdelerini öndürýän STADA halkara kompaniýasy we Fransiýanyň Sanofi kompaniýasy 2023-nji ýylyň aprelinden başlap, Ýewraziýa sebitiniň 10 ýurdunda hatsyz goýberilýän belli dermanlaryny ibermek barada şertnama baglaşdy. Bu barada STADA kompaniýasynyň metbugat habarynda aýdylýar.
Gazagystan Merkezi Aziýa we Ýewropa Birleşigi döwletlerine ýükleri daşamagyň açyk nyrhnamasyny kesgitlemegi teklip etdi. Bu ýurtlaryň konteýnerleri “gapydan gapa çenli” eltip berilmeginiň bahalaryny bellemäge kömek eder diýip, - Respublikanyň Senagat we infrastruktura ösüşi ministrliginiň resmi saýty habar berýär.
Merkezi Aziýa ýurtlaryndan 100-den gowrak adamdan ybarat bolan ýaşlaryň wekiliýeti 17-23-nji noýabr aralygynda Hindistanda saparda boldular. Saparyň maksady ýaşlary Hindistanyň medeniýeti bilen tanyşdyrmak we dostlukly gatnaşyklary ösdürmekden ybaratdyr. Bu barada ANI agentligi habar berýär.
«Sagdyn futbol dünýä çempionaty 2022 – Sport we saglyk üçin miras döretmek» taslamasynyň çäklerinde Bütindünýä saglygy goraýyş guramasy Kataryň Saglygy goraýyş ministrligi we FIFA Halkara futbol federasiýasy çagalaryň we ýaşlaryň bedenterbiýe işjeňligini ýokarlandyrmak we saglygyny gowulandyrmak üçin täze sanly programma açdy.
Katardaky dünýä çempionatynyň açylyş dabarasy El Haur şäheriniň «Al Beýt» stadionynda geçirildi we 30 minut töweregi dowam etdi – diýip, bu barada sport-express.ru saýty habar berýär.
