Türkmenistan we Türkiýe — dünýä jemgyýetçiliginiň hormatyna eýe bolmak bilen, halkara gapma-garşylyklaryny çözmekde parahatçylygyň we adalatyň tarapdary hökmünde iki dogan ýurt bolup çykyş edýärler.
Türkmen parlamentiniň ýokarky palatasynyň başlygy Gurbanguly Berdimuhamedow Türkmenbaşy halkara deňiz portunyň mümkinçilikleriniň Baku-Tbilisi-Kars demir ýolunyň netijeliligini ýokarlandyrjak ulag aragatnaşygyny we ýük daşalyşyny artdyrmak üçin ulanylyp bilinjekdigini aýtdy.
The Walt Disney Company-nyň wekili – Merkezi we Gündogar Ýewropa, GDA ýurtlar boýunça baş media direktory Kahaber Abaşidze Türkmenistanyň teleradio gepleşikler we kinematografiýa baradaky döwlet komitetiniň hem-de DIM-niň wekilleri bilen hyzmatdaşlyk etmegiň geljegini ara alyp maslahatlaşdy.
21-nji noýabr, duşenbe güni Abu Dabide Prezident Serdar Berdimuhamedow bilen Şeýh Muhammet bin Zaýed Al Nahaýýanyň arasynda geçirilen gepleşiklerde Ulag-logistika pudagy Türkmenistan bilen BAE-niň arasyndaky hyzmatdaşlygyň strategiki ugry hökmünde bellenildi.
Türkmenistan bilen Çernogoriýanyň söwda we ykdysady ugurlarda ikitaraplaýyn hyzmatdaşlygy ýola goýmakda uly mümkinçilikleri bardyr diýip, - Türkmenistanyň Russiýadaky ilçisi Batyr Nyýazlyýew we Çernogoriýanyň Russiýa Federasiýasyndaky ilçisi Milorad Şçepanowiç Moskwada geçirilen duşuşykdabellediler.
Türkmenistanyň Prezidenti türkmen halkynyň adyndan, Türkmenistanyň hökümetiniň we hut öz adyndan Gazagystanyň Prezidenti Kasym-Jomart Tokaýewi saýlawlarda ýeňiş gazanmagy we Gazagystan Respublikasynyň prezidentligine täzeden saýlanmagy bilen tüýs ýürekden gutlady. Bu barada TDH agentligi habar berýär.
Türkmenistanyň Söwda we daşary ykdysady aragatnaşyklar ministrligi 2025-nji ýylda geçiriljek “EXPO 2025” sergisinde hödürleniljekTürkmenistanyň milli pawilýonynyň daşky bezeg işleriwe gurluşygy boýunça halkara tenderini gaýtadanyglan etdi. Bu barada «Neýtralnyý Turkmenistan»gazetinde habar berilýär.
Ýewropa Bileleşigi Merkezi Aziýa döwletleri bilen hyzmatdaşlygy giňeltmegiň ýakyn tarapdaryhökmünde çykyş edip, sebitde täze ulag geçelgelerini döredilmegini doly goldaýar. Bu barada Ýewropa diplomatiýasynyň başlygy Josef Borrell, Merkezi Aziýa bolan iş saparyndan soňra, özüniň resmi web sahypasynda beýan edýär.
Türkmenistanyň Prezidenti Serdar Berdimuhamedow Abu Dabide geçirilen "Türkmenistan-BAE" işewürlik forumynyň açylyş dabarasyna gatnaşdy. Bu barada TDH agentligi habar berýär.
Köýtendag döwlet tebigy goraghanasynyň ÝUNESKO-nyň Bütindünýä mirasynyň sanawyna girizilmegi üçin ähli mümkinçilikleri bar. Bu baradaTürkmenistanyň ÝUNESKO-nyň işleri boýunça Milli komissiýasynyň maslahatynyň jemleri boýunça«Neýtralnyý Türkmenistan» gazetinde çap edilen makalada habar berilýär.
Abu Dabiniň Ösüş gaznasy Türkmenistanyň gaz-himiýa senagatyna, ulag we logistika pudagyna maýa goýum goýmaga örän uly gyzyklanma bildirýär. Bu barada TDH agentligi türkmen wekiliýetiniň gaznanyň wekilleri bilen geçiren gepleşiklerinden soňra habar berýär.
Eýranyň demir ýollarynyň edarasynyň wekilleri ýurduň Gülüstan welaýatynyň çäginden Türkmenistanaýükleriň üstaşyr geçirilişiniň ep-esli ýokarlanandygybarada habar berdiler. Bu barada IRNA agentligi habarberýär.
TASS habarlar agentligi Hytaýyň Baş gümrük gullugynyň habaryna salgylanmak bilen, Türkmenistanyň şu ýylyň 10 aýynda Hytaýa tebigy gazyň eksportyny 53 göterim artdyrandygyny habar berýär.
Türkmenistanyň Tennis federasiýasy dekabr aýyndaähli sebitlerden gelen iň ussat tennisçileriň gatnaşmagynda ýurduň Kubogy ugrundaky ýaryşygeçirmegi meýilleşdirýändigi barada Federasiýanyň baştutany Eziz Döwletow «Neýtralnyý Turkmenistan»gazetine beren interwýusynda beýan etdi.
«Türkmenistan» awiakompaniýasynyň halkara gatnawlarynyň ýolagçylary şulary bilmedirler: ýolagçynyň uçuşa gelmedigi, uçuşdan ýüz dönderendigi we käbir beýleki hereketleri üçin uçargatnadyjysy tarapyndan töleg (jerime) töledilýändir.
