Gazagystan MA we ÝB ýurtlaryny “Sanly ulag geçelgesini” döretmäge çagyrdy

Noýabr 23, 2022 | 16:40 |5826

Gazagystan Merkezi Aziýa we Ýewropa Birleşigi döwletlerine ýükleri daşamagyň açyk nyrhnamasyny kesgitlemegi teklip etdi. Bu ýurtlaryň konteýnerleri “gapydan gapa çenli” eltip berilmeginiň bahalaryny bellemäge kömek eder diýip, - Respublikanyň Senagat we infrastruktura ösüşi ministrliginiň resmi saýty habar berýär.

Görkezilen nyrh bilen “ýaşyl geçelgäniň” emele getirilmegi, öz gezeginde, iki sebitiň arasynda üznüksiz maglumat alyş-çalşyny, ýagny sanly resminama dolanyşygyny üpjün edýän “Sanly ulag geçelgesiniň” döredilmegine ýardam eder.

Bu teklibiň durmuşa geçirilmegi Merkezi Aziýa we Ýewropa Birleşigi ýurtlarynyň arasyndaky durnukly we howpsuz haryt dolanyşygyna goşant goşar.

ORIENT news
Surat: rail-news.kz