Katardaky 2022-nji ýylyň dünýä çempionatynyň açylyş dabarasy janköýerleri köpdürliligi bilen haýran galdyrdy
Katardaky dünýä çempionatynyň açylyş dabarasy El Haur şäheriniň «Al Beýt» stadionynda geçirildi we 30 minut töweregi dowam etdi – diýip, bu barada sport-express.ru saýty habar berýär.
Olimpiýa oýunlarynyň açylyşyndan tapawutlylykda futbol boýunça Dünýä çempionatynyň açylyş dabarasy — adatça bu bir resmi däl we ýatda galyjy däl çäre hökmünde geçýär. Emma Katarda geçirilen açylyş onuň guramaçylary tarapyndan has gyzykly hem ajaýyp şüweleň görnüşinde guramaga çalyşdylar.
Dabara Golliwudyň meşhur artisti Morgan Friman bilen ýerli jemgyýetçilik işgäri — paralimpiýa türgeniniň arasynda geçirilen söhbetdeşlik bilen açyldy. Olar çempionatyň bütin dünýä üçin açykdygy, ähli adamlary birleşdirýän duýgular hakda gürrüň etdiler. Soňra dabara maskotlaryň ýörişi bilen dowam etdi.
Günorta Koreýanyň meşhur BTS toparynyň agzalarynyň biri — Jung Jongkookyň çykyşy bolsa açylyş dabarasynyň esasy pursaty boldy. Ol 2022-nji ýylda geçirilýän dünýä çempionaty üçin ýörite döredilen Dreamers (Arzuwçyllar) kompozisiýasyny ýerine ýetirdi. Aýdymyň ikinji bölüminde oňa Kataryň meşhur aýdymçysy Fahad Al-Kubaisi hem goşuldy.
Dabaranyň ahyrynda Kataryň häzirki emiriniň kakasy Tamim bin Hamad Al Tani - Hamad bin Halifa Al Tani - Kataryň çölüniň bir ýerinde çagalar bilen futbol oýnaýan wideoşekiliniň uly ekranda görkezilmegi bolsa iň täsirli pursatlaryň biri boldy. Bu kakasy üçin garaşylmadyk sowgat boldy. Ogly kakasynyň şol futbol oýnunda geýen futbol köýnekçesini çykaryp, oňa goluny goýmagy haýyş etdi.
2022-nji ýyldaky dünýä çempionatynyň ilkinji duşuşygy ýer eýeleri Katar bilen Ekwadoryň milli ýygyndysynyň arasynda geçirildi, bu oýun 2-0 hasaby bilen myhmanlaryň ýeňşi bilen tamamlandy.
ORIENT news
Surat: sport-express.ru
