Eýranyň demirgazyk-günbatarynda 5.9 ball ululykda ýer titremesi şenbe güni bolup geçdi. Ýekşenbe güni Eýranyň KHBS-i ýer titremesinde üç adamyň heläk bolandygy we 816 adamyň ejir çekendigi barada ýazdylar. Bu barada Günbatar Azerbaýjan welaýatynyň häkimi Muhammet Sadeg Motamedýan habar berdi.
Özbegistan bilen Gyrgyzystanyň hökümetleri iki ýurduň raýatlarynyň içerki resminamalar boýunça biri-birine syýahat etmegine mümkinçilik berýän özara saparlar baradaky ylalaşyga üýtgetme girizdiler – diýlip, UzA Milli habarlar agentligi anna güni habar berdi.
Türkmenistanyň ýokary synp okuwçylary - ýurduň umumybilim berýän mekdepleriniň 9-11-nji synp okuwçylary paýtagtdaky D.Azady adyndaky Milli dünýä dilleri instituty tarapyndan geçiriljek iňlis dili boýunça Milli olimpiada gatnaşyp bilerler.
Belarussiýadaky mekdep naharhanalaryny häzirkizaman, howpsuz we okuwçylar üçin iň amatly iýmit bilen üpjün edilip başlanar. BELTA-nyň habar bermegine görä, aşpezlik taslamasy ýurduň 21 mekdebinde synag tertibinde ýola goýuldy.
Gurultaýyň dowamynda oňa gatnaşyjylar Türkmenistanda ýaşlar baradaky döwlet syýasatynyň 2021-2025-nji ýyllar üçin döwlet maksatnamasynda bellenilen wezipeleri üstünlikli durmuşa geçirmek boýunça anyk çäreleri, şeýle hem “Ýaşlar barada döwlet syýasaty hakynda” Türkmenistanyň Kanunynyň rejelenen görnüşini hem-de döwrüň möhüm wezipelerini nazarda tutup, Ýaşlar guramasynyň Tertipnamasyna üýtgetmeleri we goşmaçalary girizmek we beýleki birnäçe guramaçylyk meselelerini ara alyp maslahatlaşdylar. Forumyň başlanmagynyň öňüsyrasynda oňa gatnaşyjylar bu ýerde guralan göçme sergi bilen tanyşdylar. Sergide häzirkizaman Türkmenistanyň gazanan üstünlikleri, halkymyzyň baý taryhy-medeni mirasy barada gürrüň berilýär.
Hatlarda häzirki günde döwlet Baştutanymyzyň ýolbaşçylygynda ýurdumyzda giň gerimli harby özgertmeleriň mynasyp dowam etdirilýändigi, harby we hukuk goraýjy edaralaryň maddy-enjamlaýyn binýadynyň pugtalandyrylýandygy, Milli goşunyň kuwwatynyň artdyrylýandygy, harby gullukçylaryň we olaryň maşgala agzalarynyň ýaşaýyş-durmuş we gulluk şertleriniň gowulandyrylýandygy nygtalýar. Hatlary iberenler hormatly Prezidentimizi mähirli gutlap, tüýs ýürekden berk jan saglyk, uzak ömür, Garaşsyz, Bitarap Watanymyzyň röwşen geljeginiň bähbidine alyp barýan giň gerimli işlerinde uly üstünlikleri arzuw edýärler.
Hytaýyň Olimpiýa komitetiniň internet sahypasynda "Hytaýyň Olimpiýa komiteti “dünýäniň dürli künjeklerinden bolan türgenleriň ýaryşlara gatnaşmaga deň nukuklary bolmaly” diýip hasaplaýar we russiýaly hem-de belarusssiýaly türgenleriň Aziýa oýunlaryna gatnaşmak mümkinçiligini ara alyp maslahatlaşmagy dowam etdirmäge taýýar" – diýilýär. Bu barada Sinhua agentligi habar berýär.
20 güne golaý dowam eden Türkmenistandaky çenden aşa sowuk howa indiki hepde maýlar. Käbir ýerlerde howa +20 derejä çenli maýlar – diýip, «Meteožurnal» ýazýar.
Aşgabadyň Gyşky oýunlar sport toplumynyň binýadynda kýorling bölümi açyldy, ol Türkmenistanyň Kýorling federasiýasynyň goldamagynda hereket eder.
Täze möwsümiň başlanmagynyň öňüsyrasynda Türkmenistanyň Futbol federasiýasy ýurduň ýokary ligasynyň klublarynyň baştutanlary we wekilleri bilen iş duşuşygyny geçirdi – diýip, guramanyň resmi saýty habar berýär.
BMG-niň Türkmenistandaky wekilhanasy we BMG-niň daşky gurşaw boýunça Maksatnamasy (ÝUNEP) Türkmenistanyň nebit-gaz pudagynyň işgärleri üçin metanyň zyňyndylaryny azaltmak meselelerine bagyşlanan okuw-seminaryny geçirdiler – diýip, wekilhananyň resmi saýty habar berýär.
Penşenbe güni, 26-njy ýanwarda Türkmenistanyň Döwlet haryt-çig mal biržasyndaky söwdalaşyklarda umumy bahasy $189,4 müň amerikan dollaryna deň bolan we 1,6 mln türkmen manadyna deň bolan iki geleşik baglaşyldy – diýip, ORIENT-iň habarçysy habar berýär.
Türkmenistanyň Goranmak ministrliginiň harby gullukçylary Watan goragçylarynyň gününe bagyşlanyp tutuş ýurt boýunça geçirilen sport ýaryşlarynyň umumy topar hasabynda öňdeligi eýelediler.
Russiýanyň prezidenti Wladimir Putin degişli federal kanuna gol çekmek bilen, Russiýa bilen Belorussiýanyň arasyndaky wizalary özara ykrar etmek hakynda ylalaşygy tassyklady. Ylalaşyk belorus wizasy bolan daşary ýurtlylara Russiýada bolmaga, Russiýanyň wizasy bolanlara bolsa – Belorussiýada bolmaga mümkinçilik berýär.
«Türkmenistan» awiakompaniýasy uçuşlaryň täze rejenamasyny mälim etdi, oňa laýyklykda 1-nji fewraldan başlap ähli halkara uçuşlar Aşgabadyň Halkara howa menzilinden amala aşyrylar.
