Türkmenistanda ýokary synp mekdep okuwçylarynyň arasynda rus dili boýunça I Olimpiada geçiriler
Türkmenistanda D. Azady adyndaky Türkmen milli dünýä dilleri institutynyň guramagynda ýokary synp mekdep okuwçylarynyň arasynda rus dili boýunça geçiriljek I Olimpiada 15-nji martda başlar. Bäsleşik iki tapgyrda geçiriler.
Bäsleşigiň birinji tapgyry uzak aralykdan geçirilmek bilen, okuwçylar kesgitlenen wagt aralygynda belli bir mowzuk boýunça düzme ýazmaly we olimp.russkiyyazyk@gmail.com elektron poçta arkaly guramaçylyk komitetine ibermeli. Bäsleşigiň ikinji tapgyryna geçen gatnaşyjylaryň sanawy 24-nji aprelde guramaçy institutyň resmi web sahypasynda çap ediler.
Ikinji tapgyr 6-njy maýda Türkmen milli dünýä dilleri institutynda geçiriler. Okuwçylar test-synaglaryny tabşyrarlar. Ýumuşlar diller institutynyň sanly bilim portalynda ýerleşdiriler. Onuň netijelerine görä, Olimpiadanyň ýeňijileri yglan ediler.
Bäsleşige gatnaşmak üçin ýokary synp mekdep okuwçylary institutyň internet saýtynda Internet olimpiadasy bölüminde arza doldurmaly. Hasaba alyş we arzalary kabul etmek 13-nji martda sagat 18:00-da tamamlanar.
ORIENT news
