BAE-de geçirilen Ýaşlar ligasynda türkmen karateçisi bürünç medala mynasyp boldy
Türkmen karateçisi Erkin Taganow 23-nji fewraldan 26-njy fewral aralygynda Fujeýrede (BAE) geçirilen Karate Ýaşlar ligasynyň 1-nji tapgyrynda bürünç medal gazanmagy başardy.
Taganow 52 kilograma çenli agram derejesinde kumite (söweş sparring) boýunça bürünç medal gazandy. Ýaryşyň deslapky tutluşyklarynda Aşgabat şäheriniň 55-nji orta mekdebiniň 9-njy synp okuwçysy eýranly, kuweýtli we Birleşen Arap Emirliklerinden karateçileri ýeňmegiň hötdesinden geldi.
Türkmen karateçisi ýarym finalda belgiýaly Matt Rombeksden ýeňildi. Rombeks öz gezeginde Özbegistanyň wekili Humaýunmirzoý Halimowy ýeňip, çempion adyna mynasyp boldy. Gazagystanly Aýdarbek Dinmuhammedow hem bürünç medala eýe boldy.
Karate 1 2023 Ýaşlar Ligasy Halkara karate federasiýasynyň howandarlygynda geçirilýän ýaryşlaryň tapgyrlarydyr. Ýaryşa 67 ýurtdan türgenleriň 1100-den gowragy gatnaşdy. Birinjiligiň şu tapgyrynda türkmen ýygyndy toparynyň 20 karateçiden ybarat düzümine Baýram Ýalkapow ýolbaşçylyk etdi.
Artur PETROSÝANS
