Türkiýe Respublikasynyň 100 ýyllygynda awiasiýa, kosmosa we ösen tehnologiýa bagyşlanyp, däp bolup gelýän TEKNOFEST festiwaly Izmir, Stambul we Ankara kabul eder – diýip, Anadolu agentligi habar berýär.
Weýrançylykly ýer titremesi bilen baglanyşykly wakalary beýan etmek üçin Türkiýä baryp görmek isleýän köpçülikleýin habar beriş serişdeleriniň wekillerine giriş wizasy hökman däl. Bu barada Türkiýäniň Türkmenistandaky ilçihanasy habar berýär.
Özbegistan iki ýurduň arasynda diplomatik gatnaşyklaryň ýola goýulmagynyň 30 ýyllygy mynasybetli Türkmenistana 20 sany Volkswagen Caddy “Tiz kömek” awtoulaglaryny iberdi.
Türkmen türgenleri 23-nji fewraldan 5-nji mart aralygynda Kemerowo oblastynda (Russiýa) geçiriljek “Aziýanyň çagalary” atly II gyşky Halkara sport oýunlarynda figuralaýyn typmak, şort-trek we gar üstünde woleýbol boýunça çykyş ederler.
9-18-nji fewral aralygynda Türkmenistanyň ok atyjylyk boýunça ýygyndy toparynyň wekilleri Kuweýtde geçirilýän okuw türgenleşiklerine we okuw seminaryna gatnaşarlar. Çäräni Aziýa atyjylyk konfederasiýasy guraýar.
Aşgabatda Keýt Bass we Aaron Ýang amerikan artistleriniň ýerine ýetirmeginde meşhur brodweýli aýdym-saz ussatlarynyň eserleri ýaňlanar. Olar dirižýor Resul Gylyjowyň ýolbaşçylygyndaky Döwlet simfoniki orkestriniň ýerine ýetirmeginde aýdym aýdarlar.
Çarşenbe güni Moskwada Howpsuzlyk geňeşleriniň sekretarlarynyň we Milli howpsuzlyk boýunça geňeşçileriň bäşinji köptaraplaýyn duşuşygy geçiriler. Bu barada TASS Russiýa Federasiýasynyň Howpsuzlyk geňeşiniň metbugat gullugyna salgylanyp, habar berýär.
"Yeňme" jemgyýetçilik guramasy tarapyndan badalga berlen "Sanly kampus" (bilim şäherçesi) taslamasy ilkinji "talyplaryny" kabul etdi: 60 sany ýaş oglan-gyzlar iňlis we kompýuter sowatlylygy boýunça okuw sapaklaryna başladylar.
Sişenbe güni prezident Serdar Berdimuhamedow Mary welaýatyna iş saparyny amala aşyryp, birnäçe ýolbaşçylar bilen iş maslahatyny geçirdi hem-de sebitiň meýdanlarynda oba hojalyk işleriniň barşy bilen tanyşdy.
Şu gün hormatly Prezidentimiz Serdar Berdimuhamedowyň tabşyrygy boýunça Türkiýe Respublikasynda bolan güýçli ýertitremäniň netijesinde ejir çeken dostlukly döwletiň doganlyk halkyna ynsanperwer kömegi ugradyldy. Ynsanperwer ýük derman hem-de saglygy goraýyş maksatly serişdelerden we dokma önümlerinden ybaratdyr. Şeýle hem Türkiýä lukmanlar ugradyldy. Olar ejir çekenlere kömek berýän kärdeşlerine zerur bolan ýardamy bererler.
Gahryman Arkadagymyz we dostlukly döwletiň Baştutany mähirli salamlaşyp we şanly waka – Türkmenistanyň hem-de Özbegistan Respublikasynyň arasynda diplomatik gatnaşyklaryň ýola goýulmagynyň 30 ýyllygy bilen birek-biregi mähirli gutlap, iki ýurduň halklaryna iň gowy arzuwlaryny beýan etdiler.
Hormatly Prezidentimiz Serdar Berdimuhamedowyň ýolbaşçylygynda goňşy ýurtlar bilen ynsanperwer gatnaşyklary ösdürmek boýunça syýasat üstünlikli dowam edýär. Döwlet Baştutanymyzyň ýakynda gol çeken Buýrugyna laýyklykda, Türkmenistandan Özbegistan Respublikasyna degişli möçberde suwuklandyrylan gazyň muzdsuz ugradylmagy munuň subutnamasydyr.
Döwlet Baştutanymyz bu ýerde Ministrler Kabinetiniň Başlygynyň oba hojalyk, gurluşyk we senagat toplumyna gözegçilik edýän orunbasarlarynyň hem-de beýleki käbir ýolbaşçylaryň gatnaşmagynda ýurdumyzyň sebitlerini mundan beýläk-de durmuş-ykdysady taýdan ösdürmek meselelerine bagyşlanan iş maslahatyny geçirdi.
Sişenbe güni Türkmenistanyň döwlet muzeýi diplomatlary, ylym we medeniýet işgärlerini, talyplary we žurnalistleri öz meýdançasyna jemledi. Olar “Muzeý gymmatlyklarynyň rejelenilişi: dünýä tejribsei we gazanylanlar” atly brifinge çagyryldylar.
Türkmenistanyň Halk Maslahatynyň Başlygy, türkmen halkynyň Milli Lideri Gurbanguly Berdimuhamedow Türkmenistan bilen Özbegistan Respublikasynyň arasynda diplomatik gatnaşyklaryň ýola goýulmagynyň 30 ýyllygy mynasybetli Özbegistan Respublikasynyň Prezidenti Şawkat Mirziýoýewe tüýs ýürekden gutlaglaryny iberdi.
