Türkmenistanyň Prezidenti ýangyn howpsuzlygy boýunça düşündiriş işlerini geçirmegi tabşyrdy
Türkmenistanyň Prezidenti Serdar Berdimuhamedow ýetip gelýän tomus möwsümi bilen baglanyşykly guramalarda we kärhanalarda, ilatyň arasynda ýangyn howpsuzlygynyň kadalary barada düşündiriş işleri geçirmegi tabşyrdy.
Tabşyryk, penşenbe güni Döwlet howpsuzlyk geňeşiniň mejlisinde içeri işler ministri Muhammet Hydyrowa berildi. Mundan başga-da, döwlet Baştutanymyz ýol hereketiniň kadalary barada yzygiderli düşündiriş çäreleriniň wajypdygyny nygtady.
Türkmenistanda dereje görkezijileri ösýär – 13-nji aprelde günortan ýurdumyzyň köp ýerinde 37-38 derejä ýetdi. Ýakyn wagtda bu ýyl ýagyş eçilmedik ýyly bahar pasly, ýangyn howply döwür bilen ýerini çalyşar. Şonuň üçin öýde we tebigatda özüni howpsuz alyp barmagyň düzgünleri barada ýatlatmalar peýdaly bolar. Munuň özi häzirki wagtda jemgyýetiň ekologiki medeniýetiniň aýrylmaz bölegidir.
ORIENT news
