GDA-da mümkinçiligi çäklendirilen çagalar üçin spartakiada geçirmek meýilleşdirilýär
GDA-da mümkinçiligi çäklendirilen çagalar üçin spartakiada geçirmek meýilleşdirilýär. Degişli Kararyň taslamasy Samarkantda GDA-nyň daşary işler ministrleriniň Geňeşiniň mejlisinde makullandy - diýip, Arkalaşygyň metbugat gullugy habar berýär.
Spartakiadany her dört ýyldan bir gezek geçirmek, sportyň gyşky we tomusky görnüşleri boýunça aýratyn geçirmek meýilleşdirilýär. Sportyň gyşky görnüşleri boýunýa birinji ýaryşlary 2024-nji ýylda geçirmek, tomusky görnüşleri boýunça — 2026-njy ýylda geçirmek teklip edilýär. Gatnaşyjylar öz aralarynda sportuň hem paralimpiýa hem surdlimpiýa (deflimpiýa) görnüşleri boýunça bäsleşerler.
Spartakiadanyň geçirilmeginiň beden mümkinçilikleri çäklendirilen şahslary bedenterbiýe we sport bilen kadaly meşgullanmaga çekmäge mümkinçilik berjekdigi, olaryň beden we ruhy taýdan terbiýelenmegine ýardam etjekdigi, şeýle hem sport ussatlygyny ýokarlandyrmaga ýardam etjekdigi bellenilýär.
Gurnaýjylaryň pikiriçe oýunlaryň çäklerinde gatnaşyjylary oýnuň geçirilýän ýurdundaky medeni we taryhy gymmatlyklar bilen tanyşdyrmak, olar üçin ylmy-amaly çäreleri geçirmek hem meýilleşdirilýär.
ORIENT habarlar
