Ýanwarda Italiýa TAP boýunça 800 mln ýewrolyk azerbaýjan gazyny satyn aldy
Şu ýylyň ýanwar aýynda Adriatiki deňziniň üstünden geçýän (TAP) gaz geçirijisi boýunça Italiýa Azerbaýjandan 842 722 785 ýewrolyk tebigy gazy satyn aldy -diýip, Ýewropa birleşiginiň statistika müdirligine salgylanyp, Trend habar berýär.
Şu döwürde Azerbaýjanyň mawy ýangyjynyň Italiýa eksport edilişi 732 675 000 kub metre deň boldy. Öz gezeginde, Ýewropa birleşiginiň ýurtlarynyň 2023-nji ýylyň ýanwar aýynda azerbaýjan gazynyň importy üçin umumy çykdajylary 1 006 939 047 ýewro deň boldy.
Jemi 2023-nji ýylyň ýanwar-fewral aýlarynda Azerbaýjanda tebigy gazyň 8 mlrd kub metri çykaryldy. Olardan 2,2 milliardy — «Azeri-Çyrag-Güneşli» gaz ýatagyndan, 4,4 milliard kub metr gaz bolsa «Şah Deňiz» gaz ýatagyndan we 1,4 milliard kub metr gaz – SOCAR kompaniýasy tarapyndan çykaryldy.
Adriatika üsti (TAP) gaz geçirjisi Günorta gaz geçelgesiniň Ýewropa bölegidir.
ORIENT habarlar
