Ledi Gaga Ak tamda işlär
ABŞ-nyň prezidenti Jo Baýden adymçy we aktrisa Ledi Gagany Ak tamyň Medeniýet we sungat boýunça komitetiniň bilelikdäki başlygy edip belledi – diýip, Ak tamyň metbugat gullugy habar berýär.
Beýanatda aýdylyşy ýaly, Ledi Gaga «Gremmi» abraýly baýragynyň 13-siniň eýesidir, bu bolsa ony taryhda «zenan-sazandalaryň täjirçilik taýdan ýokary rowaçlyga eýe bolanlaryň biri edipdi». Ozal ol Forbes žurnalynyň dünýäniň iň täsirli zenanlarynyň sanawyna girzilipdi, Times žurnalynyň wersiýasy boýunça dünýäniň iň täsirli ýüz adamynyň sanawyna hem girizilipdi.
Bu komitetiň ýene-de bir bilelikdäki başlygy amerikan prodýuseri Brýus Koen boldy.
Ak tamyň 1982-nji ýylda döredilen Medeniýet we sungat boýunça komitetiniň wezipesine Ak tamyň baştutanyna medeniýet ugry boýunça syýasy meseleler boýunça maslahatlary bermek degişlidir. Komitetiň agzalaryny medeniýeti we ynsanperwer ugurlary goldamaga ýokary ygrarlylyk görkezen medeniýet işgärleriniň, alymlaryň we filantroplaryň arasyndan ABŞ-nyň prezidentiniň hut özi belleýär.
Ledi Gaganyň 2021-nji ýylyň noýabrynda Jo Baýdeniň wezipä girişme dabarasynda çykyş edendigini belläp geçmelidiris.
ORIENT habarlar
