Türkmenistanda Oraza baýramy 21-nji aprelde belleniler
Türkmenistanyň Prezidenti Serdar Berdimuhamedow Oraza baýramyny 2023-nji ýylyň 21-nji aprelinde bellemek boýunça Permana gol çekdi. Şuňa laýyklykda Ораза байрамы indiki hepdäniň anna güni belleniler.
Eýeçiliginiň görnüşine garamazdan, ähli edaralara, kärhanalara we guramalara şu resminamanyň ýerine ýetirilmegini üpjün etmek tabşyryldy.
Bu resminama “türkmen halkynyň bitewüligini, agzybirligini we jebisligini has-da berkitmek, köpasyrlyk däp-dessurlarymyza aýawly çemeleşmek, ruhy baýlyklarymyzy gorap saklamak maksady bilen” kabul edildi.
Oraza baýramy Gurban baýramy bilen birlikde Yslamyň iň möhüm baýramlarynyň biri hasaplanýar. Ol mukaddes remezan aýynyň tamamlanandygyny alamatlandyrýar. Bu gün türkmenistanlylar baýram namazyny okaýarlar, adatça öýde baýramçylyk saçaklaryny giňden ýazyp, ýakynlaryna, dost-ýarlaryna, goňşularyna hödür-hezzet edýärler, metjitlere barýarlar.
ORIENT news
