Türgen Dawid Melkumow Türkmenistanda görlüp-eşidilmedik rekord goýdy, has takygy, pälwan lokomotiwi üç metre golaý aralyga çekip süýşürdi. Bu üstünlik dünýädäki şuňa meňzeş rekordlaryň yzynyň özboluşly dowamy boldy: dürli ýurtlardan bolan pälwanlar çekýän ýüküniň göwrümi babatda bolşy ýaly, ony süýşürmek başardan aralygy boýunça-da bäsleşýärler.
Stawropol ülkesiniň Türkmen okrugynyň Kenje-Kulak obasynyň ýaşaýjysy Bahtiýar Orazgeldiýew EAGLE FC. ligasynda üçünji gezek yzly-yzyna wagtyndan öň ýeňiş gazandy. Ozal şeýle üstünligi Habib Nurmagomedow gazanypdy.
Hepdäniň çarşenbe güni “Awaza” milli syýahatçylyk zolagynda iri halkara ýaryşlarynda — Russiýada geçirilen “Ýüpek ýoly — 2022” ralli-reýdinde we Daşkent şäherinde geçirilen ýetginjekleriň we ýaşlaryň arasynda agyr atletika boýunça Aziýa çempionatynda baýrakly orunlary eýelän türkmen türgenlerini sylaglamak dabarasy boldy.
Çarşenbe güni Türkmenistanyň Prezidenti karara gol çekdi, resminama laýyklykda, Sport we ýaşlar syýasaty ministrligi Halkara sambo federasiýasy bilen bilelikde, Aşgabatda sambo boýunça dünýä çempionatyny geçirerler. Ýaryşlar 2025-nji ýylyň noýabr aýynda Olimpiýa şäherjiginiň söweş sungatlary sport toplumynda geçiriler.
Türkmen küştçi gyzlary «Queens Online» Bütindünýä küşt festiwalynyň toparlaýyn final tapgyrynyň netijeleri boýunça mynasyp 3-nji orny eýelediler. Türkmen topary mümkin bolan 22 utukdan toparlaýyn 17 utuk toplap, diňe her biri 18 utuk toplan ABŞ-yň we Hytaýyň ýygyndy toparlaryndan yza galdy.
Şenbe güni “Queens Online” Bütindünýä küşt festiwalynyň jemleýji tapgyrynda türkmenistanly küştçi gyz Lala Şöhradowa ýeňiji boldy.
Habar beriş serişdelerinde şu ýylyň tomsunda ABŞ-da «Real» bilen «Barselonanyň» duşuşjakdygy hakynda habar peýda boldy. «El-klasiko» 29-njy iýulda Maýaminiň «Hard Rok-stedium» stadionynda geçiriler. «Barselona» bilen «Realyň» 1991-nji ýyldan bäri ilkinji gezek ýoldaşlyk duşuşygynda ýüzbe-ýüz bolýandygy gyzyklydyr.
Türkmen hünärmeni Gurban Berdiýewiň ady russiýaly janköýerleriň we futbol bilermenleriniň arasynda giňden tanyşdyr. Onuň Gazagystanyň «Kaýrat» klubunyň baş tälimçisiniň wezipesi bilen hoşlaşmagy Gurban Bekiýewiçiň daşyndaky gürrüňleri has-da gyzyşdyrdy.
02.06.2022 ý. senede Bütindünýä welosiped güni mynasybetli Türkmenistanyň Eýran Yslam Respublikasyndaky Ilçihanasy Tähran şäherindäki Çitgar seýilgähinde Ilçihananyň işgärleriniň, olaryň maşgala agzalarynyň we ýerli raýatlaryň gatnaşmagynda köpçülikleýin welosiped ýörişini «Halkyň Arkadagly zamanasy» şygary astynda gurady.
2022-nji ýylyň 1-nji iýunynda Tbilisi şäherinde Gruziýanyň Milli welosport federasiýasynyň ýardam bermeginde Türkmenistanyň Gruziýadaky Ilçihanasy Bütindünýä welosiped gününe bagyşlanan welosipedli ýöriş geçirdi.
Çarşenbe güni, 11-nji maýda Aşgabadyň Kubogy ugrunda futbol ýaryşynyň çäklerinde iki oýun geçirildi. Netijede, “Altyn Asyr” “Ahalyň” ýaşlar düzümini 3:1 hasabynda ýeňdi, “Aşgabat” we “Köpetdag” bolsa bir-biregiň derwezesine bir pokgiden geçirip, deň oýnadylar.
Şu gün oýunlaryň ikisiniň geçirilmegi bilen Aşgabadyň Kubogy ugrunda futbol ýaryşyna badalga berildi. Birinji tapgyryň ilkinji oýnunda “Altyn Asyr” uly hasap bilen “Aşgabady” ýeňdi – 5:2. Beýleki duşuşykda “Köpetdag” “Ahalyň” ýaşlar düzüminden 2:0 hasabynda üstün çykdy.
Sişenbe güni Türkmenistanyň Prezidenti Serdar Berdimuhamedow Türkmenistanyň MOK-nyň Baş assambleýasynyň mejlisinde biragyzdan Milli olimpiýa komitetiniň başlyklygyna saýlandy.
Türkmen küştçisi Meýlis Annaberdiýew küştde iň ýokary ada – grossmeýster derejesine eýe boldy. Bu baradaky çözgüt Abu-Dabi şäherinde şu ýylyň aprel aýynda FIDE-niň Geňeşiniň 1-nji mejlisinde kabul edildi.
