«Sagdyn nesil – röwşen geljege badalga» atly sport çäresi geçirildi
8-nji dekabrda «Türkmenaragatanşyk» agentliginiň Politehniki orta hünär okuw mekdebiniň sport zalynda şol mekdebiň mugallymlarynyň we talyp ýaşlarynyň gatnaşmagynda, gujurly-gaýratly, ugurtapyjy ýaşlary kemal getirmek we olarda sporta bolan söýgüni ösdürmek maksady bilen «Sagdyn nesil – röwşen geljege badalga» atly sport çäresi geçirildi.
Ýaşlaryň boş wagtyny netijeli geçirmekleri, ýaş nesliň aň-bilim terbiýesi we olaryň köpçülikleýin sporta bolan höwesini artdyrmak maksady bilen sportyň birnäçe ugurlary boýunça ýaryşlar gurnaldy.
Bedeniňi berkitmek - saglygyňy berkitmek diýen düşünjeden ugur alyp geçirilen bu sport çäresi, sporty we sagdyn durmuşy ýaşlaryň arasynda wagyz etmäge gönükdirilen ýene-de bir ädim boldy.
ORIENT news
Surat: «Türkmenaragatanşyk» agentligi
