Wenesiýada karate boýunça ýaryşda türkmen ýygyndy topary ilkinji medalyny gazandy

Dekabr 13, 2022 | 08:50 |7793

Anna güni Wenesiýada ýaşlar ligasynyň KARATE1-2022 ýaryşy başlandy. Sportuň şu görnüşi boýunça ýetginjekleri üçin ýylyň iň köpçülikleýin çäresi ýekşenbe gününe çenli dowam eder, ýaryşyň birinji güni bolsa türkmen ýygyndy toparyna ilkinji medal getirdi.

Ony ýygyndy toparyna Dawut Nazmyradow gazandy – ol bürünç medal eýeläp, öz derejesinde 3-nji orna mynasyp boldy.

Ýaryşa jemi 58 ýurtdan 2500-den gowrak ýaşlar gatnaşýarlar.

Türkmen karate mekdebine ýetginjekleriň 16-sy we gyzlaryň 2-si wekilçilik edýärler. Olaryň ýanynda iki tälim we üç emin bolýar.

Italiýadan bolan ýer eýeleriniň ýygyndy toparynyň düzüminiň türgenleri 660 sany bolup iň köp möçberlidir, Ukrainanyň hem wekiliýeti köpsanly – 161 türgen we Germaniýanyňky – 142 türgen.

ORIENT news