Türkmen türgenleri Hangzhou şäherinde geçiriljek Aziýa oýunlaryna taýýarlyk görýärler
Er-Riýad şäherinde geçirilen Olimpiýa Geňeşiniň / Aziýanyň Olimpiýa raýdaşlygynyň Sebitleýin forumy öz işini tamamlady. Duşuşyk Günbatar, Merkezi we Günorta Aziýa ýurtlarynyň Milli Olimpiýa komitetlerine bu gün sport jemgyýetiniň öňünde durýan möhüm meseleleri ara alyp maslahatlaşmaga mümkinçilik döretdi.
Maslahatyň gün tertibiniň esasy meselesi 19-njy Aziýa oýunlaryna taýýarlyk görmeklige bagyşlandy, bu sport çäresi 23-nji sentýabrdan 8-nji oktýabr aralygynda Hytaýyň Hangzhou şäherinde geçiriler. Türkmenistanyň Milli Olimpiýa Komitetiniň wekiliniň ORIENT portalyna beren interwýusynda gürrüň berşine görä, forum, hususan-da, ýaryşlaryň geçirilişi, türgenleri we myhmanlary garşy almak tertibi barada jikme-jik düşünje almaga we oýunlaryň sport desgalary bilen tanyşmaga mümkinçilik berdi. Bu bolsa, öz gezeginde, Türkmenistana sport wekiliýetini ýaryşa ykjam taýýarlamaga ýardam eder.
Forumda sport dünýäsiniň ýene bir möhüm wakasynyň meseleleri ara alnyp maslahatlaşyldy, ol 2024-nji ýylda Parižde geçiriljek tomusky Olimpiýa oýunlarydyr. Türkmenistanyň Halkara olimpiýa komitetiniň wekiliniň bellemegine görä, wekiller Oýunlaryň saýlama ýaryşlary bilen tanyşdylar. Dört günlük forumyň barşynda Milli olimpiýa komitetlerine Halkara olimpiýa komitetiniň we Aziýanyň olimpiýa geňeşiniň grantlaryny bermek meselelerine hem garaldy.
ORIENT news
Surat: Aziýanyň Olimpiýa geňeşi
