Iňlis dili mugallymlary üçin Online Professional English Network (OPEN) maksatnamasynyň güýzki sessiýasyna gatnaşmak üçin ýüz tutmalaryň kabul edişligi başlandy. Ol 2023-nji ýylyň sentýabr aýyndan iýun aýyna çenli geçer.
RBK beren söhbetdeşliginde Moskwanyň «Kommunarka» hassahanasynyň baş lukmany Denis Prosenko dünýä pändemiýalarynyň döwürleýin döreýändigi barada beýan etdi. Ol pandemiýalaryň her 50 ýyldan döreýändigini sübhesiz aýdýar.
Şu gün paýtagtymyzda Medeniýet hepdeliginiň dabaraly açylyşy boldy. Paýtagtymyzda geçirilýän Medeniýet hepdeligine gatnaşmak üçin ýurdumyzyň sebitlerinden meşhur teatr artistleri, estrada we halk aýdymlaryny ýerine ýetirijiler, muzeý we kitaphana işiniň hünärmenleri, suratkeşler, şahyrlar, meşhur ansambl we folklor-etnografik toparlary geldiler.
Türkmenistanyň Ylymlar akademiýasynyň Taryh we arheologiýa institutynyň alymlary Ahal welaýatynyň Bäherden etrabynda Ýer ýüzüniň ilkinji ýaşaýjylarynyň daşa öwrülen galyndylaryny tapdylar. Hünärmenleriň bellemeklerine görä, bu galyndylar mundan 2,7 milliard ýyl ozalky döwre – paleozoý we proterozoý döwürlerine degişlidir.
Aşgabat şäheriniň Büzmeýin etrabynda her biri 4 gatda ybarat bolan ýaşaýyş jaýlarynyň birbada 12-siniň dabaraly açylyşy geçirildi. Ulanmaga berlen jaýlar özüniň gurluşyk aýratynlygy bilen şähergurluşygynyň üstüni ýetirdi. Bu barada resmi metbugat habar berýär.
Iýun aýynyň 19-dan 21-i aralygynda Belarus Respublikasynyň sport we syýahatçylyk ministri Sergeý Kowalçuk Türkmenistana iş sapary bilen geldi we onuň çäginde Türkmenistanyň Bedenterbiýe we sport baradaky döwlet komitetiniň başlygy Gulmyrat Agamyradow bilen duşuşdy.
Daşary işler ministriniň orunbasary Mähri Bäşimowanyň ýolbaşçylygyndaky Türkmenistanyň wekiliýetiniň BAE-de sapary boldy. Çarşenbe güni Bäşimowa Abu-Dabide Anwar Gargaş adyndaky diplomatiýa akademiýasynyň baş müdiri Nikolaý Mladenow bilen duşuşdy.
Däp boýunça Halkara ýoga gününde paýtagtymyzdaky “Bagtyýarlyk” sport toplumynda köpçülikleýin ýoga maşklary geçirildi. Säher bilen sport toplumynyň töweregi köp adamly boldy.
2024-nji ýyldan başlap Gazagystanda biznese döwlet barlagynyň we gözgeçiliginiň awtomatlaşdyrylan ulgamy işläp başlar. Bu meselä respublikanyň premýer-ministri Alihan Smailowyň başlyklyk etmegindäki hökümet maslahatynda seretdiler - diýip, Zakon.kz. internet-neşiri habar berýär.
Mary şäherindäki Türkmenistanyň Döwlet energetika institutynyň ýanaşyk çäklerinde 2 müň orunlyk täze goşmaça okuw binalary we 800 orunlyk umumy ýaşaýyş jaýlary hem-de institutyň golaýyndan geçýän aýlawly ýolda oturdyljak monumenti gurmak boýunça bäsleşik yglan etdi.
Türkmen mekdep okuwçylary Özbegistanyň Hywa şäherinde geçirilen Abu Reýhan Biruny adyndaky halkara himiýa olimpiadasynda 6 bürünç medal gazandylar.
Amerikan telekeçisi Ilon Mask özüniň elektromobil taslamasy «Teslanyň» Hindistana geljegine wada berdi.
Bütindünýä bankynyň karzy arkly maliýeleşdirilýän “Türkmenistanda COVID-19- a jogap” taslamasynyň çäginde ganyň umumy derňewi üçin laborator reagentleriniň tapgyry Aşgabat şäherine gelip gowuşdy. Reagentler merkezi we sebit barlaghanalaryna paýlanar we ýurt boýunça esasy laboratoriýa hyzmatlaryny bermek ulgamyny berkitmäge ýardam eder.
Sişenbe güni geçirilen telefon arkaly söhbetdeşlikde Türkmenistanyň Daşary işler ministri Raşid Meredow Ysraýylyň Daşary işler ministri Eli Koen bilen ikitaraplaýyn hyzmatdaşlygyň birnäçe meselesini ara alyp maslahatlaşdy.
TASA – türkmen-amerikan alymlar assosiasiýasynyň 17-nji simpoziumy Ostin şährinde ýerleşýän ABŞ-nyň Tehas uniwersitetinde geçirildi. Duşuşyga ABŞ-da we beýleki ýurtlarda tälim alýan we işleýän türkmen alymlary, şeýle hem Türkmenistanyň ABŞ-daky ilçihanasynyň wekili gatnaşdy.
