Türkmen döwlet uniwersitetinde Himiýa dersi boýunça II halkara internet olimpiadasy geçiriler
Şu ýylyň noýabr aýynyň 14 — 17-si aralygynda Magtymguly adyndaky Türkmen döwlet uniwersitetinde sanly ulgam arkaly Himiýa dersi boýunça II halkara internet olimpiadasyny geçirmek meýilleşdirilýär.
Oňa ýurdumyzyň ýokary okuw mekdepleriniň talyplary, şeýle hem Russiýa Federasiýasynyň, ABŞ-nyň, Hytaý Halk Respublikasynyň, Italiýanyň, Rumyniýanyň, Täjigistanyň, Belarusuň, Özbegistanyň, Gazagystanyň hem-de beýleki döwletleriň ýokary okuw mekdeplerinde bilim alýan ýaşlar gatnaşarlar.
Ders olimpiadasynyň maksady ýaşlary himiýa dersini öwrenmäge howeslendirmekden, daşary ýurtlaryň arasynda ylmy-tehniki hyzmatdaşlygy işjeňleşdirmekden ybaratdyr.
Magtymguly adyndaky Türkmen döwlet uniwersiteti şeýle olimpiadany geçen ýylda hem üstünlikli geçiripdi. Şonda oňa dünýäniň 20-den gowrak döwletinden 300-den gowrak talyp ýaşlar gatnaşypdy.
ORIENT news
