“Tagamly Kazan” festiwalynda türkmen palawyndan datmak üçin hatar düzüldi
Tatarystanyň paýtagtynda geçirilen “Tagamly Kazan” gastrofestiwalynda hoşboý ysly türkmen palawy üçin uzyn hatar düzüldi. Festiwal Türkmenistanyň Baş konsullygy we Kazan syýahatçylyk komiteti tarapyndan gurnaldy.
Iýmit festiwalynda türkmen palawyny taýýarlamak boýunça işine ezber aşpezler tarapyndan ussatlyk sapagy berildi. Ýygnananlar türkmen milli tagamyndan lezzet alyp, bu nahary taýýarlamagyň ähli yzygiderliligini görüp bildiler. Türkmen Baş konsullygynyň beýanatynda festiwalyň tomaşaçylary aşpezleriň döredijiligine iň ýokary bal bilen baha berdiler, muňa gazanyň golaýynda nobata düzülip palawdan dadyp görmek isleýänleriň köplügi şaýatlyk edýär.
Festiwalyň maksatnamasynda güýmenje çäreleri - ofisiantlar ýaryşy, nahar bişirmek ýaryşy, aşpezler we çagalar üçin ussatlyk sapaklary, blogerleriň leksiýalary, topar çykyşlary we sowgat çekişleri boldy.
Bu ýyl “Tagamly Kazan” gastrofestiwalyna takmynan 55 müň adam geldi. Bu çäre ilkinji gezek bir wagtyň özünde iki ýerde - Kazan merkezinde we Kazan Kremliniň ýerinde geçirildi.
ORIENT news
